ដោយៈ​ប​.​ជ័យ / បន្ទាយ​មាន​ជ័​យៈ​កងរាជអាវុធហត្ថ​ខេត្តបន្ទាយមានជ័យ​នៅ​ថ្ងៃ​ចន្ទ ទី​៧ ខែកុម្ភៈ ឆ្នាំ​២០២២ បាន​ពិធ​ប្រជុំ​ត្រួតពិនិត្យ​ការអនុវត្ត​តួនាទី​-​ភារកិច្ច និង​វឌ្ឍនភាព​ការងារ​កងរាជអាវុធហត្ថ​ប្រចាំ​ខែមករា ឆ្នាំ​២០២២ ទិសដៅ​ខែកុម្ភ​: ឆ្នាំ​២០២២ និង​ប្រកាស​ផ្លាស់ប្តូរ​មុខតំណែង​ជូន​ដល់​នាយទាហាន នៃ​កងរាជអាវុធហត្ថ​ខេត្ត​ចំនួន​៥៤​រូប ក្រោម​អធិបតីភាព​លោក​ឧត្ដមសេនីយ៍ត្រី បោ​ន ប៊ិន មេបញ្ជាការ​កងរាជអាវុធហត្ថ​ខេត្តបន្ទាយមានជ័យ​និង​ចូលរួម​ពី លោក លោកស្រី​មេបញ្ជាការរង​កងរាជអាវុធហត្ថ​ខេត្ត លោក​នាយសេនាធិការរង លោក​ប្រធាន​-​អនុ​មន្ទីរ​ទាំង​ប្រាំពីរ លោកនាយ​-​នាយរង​ការិយាល័យ លោក​មេបញ្ជាការ​-​មេ​បញ្ជ​ការរង​មូលដ្ឋាន​ក្រុង​-​ស្រុក​ទាំង​ប្រាំបួន​សរុប​ចំនួន​១៣០ រូប ។

លោក​ឧ​ត្ត​ម​សេនីយ៍​ត្រី មេបញ្ជាការ​បាន​ផ្ដាំផ្ញើ​ដល់​កងកម្លាំង​ដែល​ទទួលបាន​នូវ​តួនាទី​ថ្មី​ទាំងអស់ ត្រូវខិតខំ​អនុវត្ត​តួនាទី​-​ភារកិច្ច ដែល​ថ្នាក់លើ​ប្រគល់ជូន​៕​សរន​