​ប្រែ​សម្រួលៈ​បំណង​(​វេ​អិន​អិ​ច​ស្ព្រេ​ស​)៖​ក្រសួង​សុខាភិបាល​វៀត​ណា​ម​កាលពី​យប់​ថ្ងៃ​ចន្ទ​បានប្រកាស​ចំនួន​អ្នក​ឆ្លងកូវី​ដ​១៩​ថ្មី​ចំនួន​១៦.៨០៩​នាក់​នៅ​៦១​ខេត្ត​ក្រុង ដោយ​រុញ​ចំនួន​ឆ្លង​ក្នុង​រលក​បច្ចុប្បន្ន​​ឡើងដល់​២.៣២៩.២៣៧​នាក់​។​

​ទីតាំង​បី​ដែល​មាន​អ្នក​ឆ្លង​ថ្មី​ច្រើន​ជាង​គេ​កាល​ពី​ម្សិល​គឺ ក្រុង​ហាណូយ​ចំនួន​២.៩៨៨​នាក់ ខេត្ត​ង៉េ​អាន​(Nghe An)​ចំនួន​១.២៤៧​នាក់ និង​ក្រុង​ដា​ណាំង​ចំនួន​៩៣៥​នាក់​។​

​ចំនួន​អ្នកជំងឺ​កូវី​ដ​១៩​ស្លាប់​នៅ​វៀតណាម​បាន​កើន​ដល់​៣៨.៤២៧​នាក់​បន្ទាប់​ពី​អ្នកជំងឺ​១០០​នាក់​ទៀត​ស្លាប់​កាលពី​ថ្ងៃ​ចន្ទ ។​

​ក្រសួង​ក៏​បាន​បញ្ជាក់ថា អ្នកជំងឺ​៩.៦៦៥​នាក់​ក៏​បាន​ជាសះស្បើយ​ពី​កូវី​ដ​១៩​ក្នុង​ថ្ងៃ​ដដែល នាំ​អោយ​ចំនួន​អ្នក​ជា​ពី​ជំងឺឆ្លង​រាតត្បាត​នេះ​ឡើងដល់​២.១២២.៣៨០​នាក់​តាំងពី​មុន​មក​។​

​សូមបញ្ជាក់​ថា ក្នុងចំណោម​ប្រជាជន​វៀតណាម​៩៦​លាន​នាក់ ជាង​៧៤,៣​លាន​នាក់​បាន​ចាក់​វ៉ាក់សាំង​ពី​រដូស និង​ជាង​២៩​លាន​នាក់​បាន​ចាក់​ដូ​សទីបី​៕

​អ្នកដំណើរ​នៅ​អាកាសយានដ្ឋាន​ក្រុង​ហូជីមិញ​កាលពី​ខែ​មករា ឆ្នាំ​២០២២