​ប្រែ​សម្រួល : កញ្ញា​ដា​លី​ស (​ដេល្លី​ម៉េល​,​ស្ត្រេត​ថែមស៍​) ៖ អ្នកជិះ​ស្គី​លើ​ទឹកកក​អាម៉េរិក វី​សិន ចូ​វ (Vincent Zhou) បាន​និយាយ​កាលពី​ថ្ងៃ​ចន្ទ​ទី​៧​ខែ​កុម្ភៈ​ថា​គាត់​បាន​ដកខ្លួន​ចេញពី​ការប្រកួត​​កីឡា​អូឡាំពិក​នៅ​ទីក្រុង​ប៉េកាំង​នៅមុន​វិញ្ញាសា​ឯកត្តជន​ក្នុង​សប្តាហ៍​នេះ​បន្ទាប់ពី​ធ្វើតេស្តិ៍​វិជ្ជមាន​កូវី​ដ​១៩​។​

​ចូ​វ ដែល​បញ្ចប់​ត្រឹម​ចំណាត់ថ្នាក់​លេខ ៦ នៅ​អូឡាំពិក​ក្រុង​ព្យុង​ចឹងឆ្នាំ ២០១៨ និង​ផ្តួល​ម្ចាស់​ជើងឯក​ពិភពលោក​បី​ជំនាន់ ណា​ថា​ន ចិន (Nathan Chen) សម្រាប់​មេដាយមាស​ក្នុង​ព្រឹត្តិការណ៍ Skate America Grand Prix កាលពី​ខែ​តុលា បាន​ផ្តល់​ព័ត៌មាន​នេះ​នៅក្នុង​វីដេអូ​ប្រាំ​នាទី​នៅលើ Instagram​។​

​ចូ​វ​បាន​និយាយថា “​ខ្ញុំ​បាន​ធ្វើតេស្តិ៍​វិជ្ជមាន​កូវី​ដ​១៩ ហើយ​ជា​អកុសល​ខ្ញុំ​នឹង​ត្រូវ​ដកខ្លួន​ចេញពី​ព្រឹត្តិការណ៍​ឯកត្តជន ដែល​ចាប់ផ្តើម​នៅ​ថ្ងៃស្អែក​”៕

វី​សិន ចូ​វ ដកខ្លួន​ពី​អូឡាំពិក​ដោយសារ​កើតកូ​វីដ​១៩

​ជុំវិញ​កូវី​ដ​១៩​នៅ​អូឡាំពិក​ក្រុង​ប៉េកាំង​នេះដែរ អត្ត​ពលិ​កជាង​៣០​នាក់​កំពុង​ដាក់ខ្លួន​ដាច់​ពី​គេ​នៅ​កន្លែង​ធ្វើ​ចត្តា​ឡីស័​ក​ក្រោយ​ពិនិត្យ​ឃើញ​មានកូ​វីដ​១៩ នេះ​បើ​តាម​ការបញ្ជាក់​ពី​អ្នក​រៀបចំ​កាល​​ពី​ថ្ងៃ​អង្គារ​ទី​៨​កុម្ភៈ​។​ការដាក់​ខ្លួន​នៅ​ដាច់​ពី​គេ​នេះ​មាន​រយៈពេល​មធ្យម​ប្រាំពីរ​ថ្ងៃ​។​

​ដើម្បី​រារាំង​ការឆ្លង​រាលដាល​ជំងឺ​កូវី​ដ​១៩ ពួក​អ្នក​រៀបចំ​កីឡា​អូឡាំពិក​តំរូវអោយ​មនុស្ស​គ្រប់គ្នា​នៅក្នុង​តំបន់​អូឡាំពិក​ធ្វើតេស្តិ៍​រក​កូវី​ដ​១៩​ជា​រៀងរាល់ថ្ងៃ​។​អ្នក​ដែល​ត្រូវបាន​ធ្វើតេស្តិ៍​វិជ្ជមាន​កូវី​ដ​១៩​នឹង​​ត្រូវ​នាំ​ទៅកាន់​មណ្ឌល​ច​ត្តា​ឡីស័​ករហូ​តដល់​ពេល​ធ្វើតេស្តិ៍​លែង​មាន​កូវី​ដ​១៩៕