​ប្រែ​សម្រួលៈ​បំណង​/​គៀ​វ​(​ដេល្លី​ម៉េល​)៖ យោធា​អ៊ុ​ក្រែ​ននឹង​ធ្វើ​សមយុទ្ធ​យោធា​ចាប់ពី​ថ្ងៃ​១០​ដល់​ថ្ងៃ​២០​កុម្ភៈ​ក្នុង​ការឆ្លើយតប​នឹង​សមយុទ្ធ​យោធា​របស់​រុស្ស៊ី​នៅ​បេឡា​រូស​ក្បែរ​ព្រំដែន​ខាងជើង​របស់ខ្លួន នេះ​​បើ​តាម​ការបញ្ជាក់​របស់​រដ្ឋមន្ត្រី​ការពារជាតិ​អ៊ុ​យក្រែន លោក អូ​ឡេក​ស៊ី រេស​នី​កូវ​(Oleksii Reznikov)​។​

​លោក រេស​នី​កូវ បាន​ប្រាប់​ទូរទស្សន៍​ក្នុងស្រុក​មួយ​កាលពី​យប់​ថ្ងៃ​ចន្ទ​ថា ទាហាន​អ៊ុយ​ក្រែន​បាន​ធ្វើ​ការហ្វឹកហាត់​ផ្សេងៗ​ជា​ប្រចាំ​និង​ចាប់ពី​ថ្ងៃ​១០​កុម្ភៈ​ទៅ​ពួកគេ​នឹង​ចាប់ផ្តើម​ប្រើ​ដ្រូ​ន​បៃ​រ៉ា​កតា​(Bayraktar)​និង​កាំជ្រួច​ប្រឆាំង​រថក្រោះ​ធុន​ចា​វឺ​លីន​(Javelin)​និង​NLAW​ដែល​ផ្តល់​ដោយ​ដៃគូ​បរទេស​។​

​បណ្តា​ប្រទេស​លោកខាងលិច​និយាយថា ពួកគេ​បារម្ភ​ខ្លាចក្រែង​រុស្ស៊ី​ចូលលុកលុយ​អ៊ុយ​ក្រែន​នៅពេល​រដ្ឋាភិបាល​ក្រុង​មូ​ស្គូដាក់​ទ័ពជា​ង​១០០.០០០​នាក់​នៅ​ក្បែរ​ព្រំដែន​អ៊ុយ​ក្រែ​ន​និង​បញ្ជូនទាហាន​៣០.០០០​នាក់​រួម​ទាំង​សព្វាវុធ​ទំនើបៗ​ទៅ​ធ្វើ​សមយុទ្ធ​នៅ​បេឡា​រូ​ស ជាប់​ព្រំដែន​ខាងជើង​អ៊ុ​យក្រែន​។​

​ប្រឈម​ការ​គំរាម​មិន​អាច​មើលឃើញ​ដូច្នេះ អ៊ុយ​ក្រែន​បាន​ទទួល​ការគាំទ្រ​ទូ​ទៅ​ចាប់ពី​អាម៉េរិក​និង​បណ្តា​ប្រទេស​នៅក្នុង​អង្គការ​ណា​តូ​។​ក្រៅពី​អាម៉េរិក អង់គ្លេស​បាន​បញ្ជូន​កាំជ្រួច​ប្រឆាំង​រថក្រោះ​ទៅ​​អ៊ុយ​ក្រែន​ដើម្បី​ត្រៀម​ទប់ទល់​ការឈ្លានពា​ន​ណាមួយ​។​កាំជ្រួច​ប្រឆាំង​រថក្រោះ​ជំនាន់​ថ្មី​NLAW​ត្រូវបាន​អង់គ្លេស​បញ្ជូនទៅអោយ​អ៊ុយ​ក្រែន​តាំងពី​ខែ​មុន​៕

​កាំជ្រួច​ប្រឆាំង​រថក្រោះ​ជំនាន់​ថ្មី​NLAW​ត្រូវបាន​អង់គ្លេស​បញ្ជូនទៅអោយ​អ៊ុយ​ក្រែន​តាំងពី​ខែ​មុន​

​កាំជ្រួច​ប្រឆាំង​រថក្រោះ​ជំនាន់​ថ្មី​NLAWអាចបាញ់បំបុកឬអោយវាហោះរកគោលដៅនិងផ្ទុះកំទេចពីលើ