​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ការ​ប្រណាំងប្រជែង​ដើម្បី​ដឹកនាំ​ប្រទេស​ហ្វីលីពីន​បាន​ចាប់ផ្តើម​កាលពី​ថ្ងៃ​អង្គារ​ទី​៨​កុម្ភៈ ដោយ​កូនប្រុស​របស់​អតីត​មេដឹកនាំ​ផ្តាច់ការ​ហ្វែរ​ឌីណ​ង់ ម៉ាកូ​ស ក្លាយ​ជា​បេក្ខជន​ឈាន​មុខ​គេ​ក្នុងការ​ស្នង​តំណែង​បន្ត​ពី​មេដឹកនាំ រ៉ូ​ឌ្រី​ហ្គោ ឌុយ​ទែត និង​នាំ​ត្រឡប់​មកវិញ​នូវ​ត្រកូល​របស់​គាត់​មក​ទៅកាន់​វិមាន​ប្រធានាធិបតី ដែល​ពួកគេ​បាន​រត់ចោល​។​

​បេក្ខជន​នានា​បានចាប់ផ្តើម​ឃោសនា​សម្រាប់​រដូវ​កាល​យុទ្ធនាការ​រយៈពេល​បី​ខែ​តាមរបៀប​ដ៏​ឈ្មុសឈ្មុល​ចម្រុះ​ពណ៌​និង​ដ៏​ច្របូកច្របល់​ក្នុង​គោលបំណង​ទាក់ទាញ​អ្នកបោះឆ្នោត​រាប់លាន​នាក់ ដែល​ជា​ធម្មតា​ចាប់អារម្មណ៍​លើ​បុគ្គលិកលក្ខណៈ​ជាជាង​គោលនយោបាយ​។​

លោក​ហ្វែរ​ឌីណ​ង់ ម៉ាកូ​ស ជូនៀ កំពុងមានសម្លេងគាំទ្រនាំមុខសំរាប់ការបោះឆ្នោតខែឧសភា

​ជាង ៣៥ ឆ្នាំ​បន្ទាប់ពី​ប្រទេស​នេះ​បាន​ងើប​ចេញពី​របប​ផ្តាច់ការ​របស់​ឪពុក​គាត់ ការស្ទង់មតិ​បានបង្ហាញ​ថា លោក​ហ្វែរ​ឌីណ​ង់ ម៉ាកូ​ស ជូនៀ (Ferdinand Marcos Jr)​កំពុង​ឆ្ពោះទៅរក​ជ័យ​​ជម្នះ​ភ្លូកទឹកភ្លូកដី​នៅក្នុង​ការបោះឆ្នោត​ថ្ងៃទី ៩ ខែ​ឧសភា​។​

​ជំរុញ​ដោយ​យុទ្ធនាការ​លើ​បណ្តាញ​សង្គម​ដ៏​ធំ​និង​សម្ពន្ធភាព​ដ៏​រឹងមាំ​ជាមួយ​កូនស្រី​របស់​លោក​ឌុយ​ទែត​ក្នុងនាម​ជា​បេក្ខជន​អនុ​ប្រធានាធិបតី​លោកស្រី សា​រ៉ា ឌុយ​ទែត លោក​ម៉ាកូ​សជូ​នៀ​ដែល​ជា​​ឥស្សរជន​ក្លៀវក្លា​បំផុត​នៅក្នុង​ប្រទេស​ហ្វីលីពីន បាន​ប្តេជ្ញា​ថា​នឹង “​បង្រួបបង្រួម​ប្រទេស​”​។​

​ម៉ាកូ​ស​ជូនៀ​បាន​ប្រាប់​ទូរទស្សន៍ GMA កាលពី​ថ្ងៃ​សៅ​រ៍ថា “​នេះ​មិនមែន​ជា​ពេលវេលា​និង​ទីកន្លែង​ដែល​ត្រូវ​ជជែក​គ្នា​អំពី​ប្រវត្តិសាស្ត្រ​របស់​ប្រទេស​ហ្វីលីពីន​នោះទេ​។​យើង​ត្រូវ​ជជែក​និង​ពិភាក្សា​ពីអ្វី​ដែល​​យើង​ត្រូវធ្វើ​នៅ​ប៉ុន្មាន​ឆ្នាំ​ខាង​មុខ​ដើម្បី​ផ្តល់​ការងារ​ដល់​ប្រជាជន​វិញ ដើម្បី​ឱ្យ​ពួកគេ​មាន​លុយ​ចូល​ហោប៉ៅ​”​។​

​អនុ​ប្រធានាធិបតី​កំពុងកាន់​អំណាច​លោកស្រី ឡេ​នី រ៉ូ​ប្រេ​ដូ (Leni Robredo)​ជា​គូ​ប្រជែង​របស់​ម៉ាកូ​ស ជូនៀ​គឺ​ជា​អ្នក​ជាប់​លេខ​ពីរ​តែ​ដាច់​ឆ្ងាយ​ពី​លេខ​មួយ​ណាស់​ក្នុង​ការស្ទង់មតិ​របស់​អ្នក​បោះ​​ឆ្នោត​។​

​ដោយ​ចាប់ផ្តើម​យុទ្ធនាការ​ក្នុង​ឈុត​ពណ៌​ផ្កាឈូក​នៅក្នុង​ទីក្រុង​លូ​ពី (Lupi)​ក្នុង​ខេត្ត​កា​ម៉ា​រី​ន​សួរ (Camarines Sur) ភាគ​កណ្តាល លោកស្រី​រ៉ូ​ប្រេ​ដូ​បាន​ប្រាប់​អ្នកគាំទ្រ​ថា លោកស្រី “​ពោរពេញ​ដោយ​ភាពក្លាហាន ព្រោះ​អ្នក​នៅ​ជាមួយ​ខ្ញុំ​”​។​

​លោកស្រី​រ៉ូ​ប្រេ​ដូ​មាន​សន្ទុះ​នាំមុខ​អភិបាលក្រុង​ម៉ានីល លោក​ហ្វ្រង់​ស៊ី​ស្កូ ដូ​ម៉ា​ហ្គោ​សូ (Francisco Domagoso) តារា​ប្រដាល់​មែន​នី ប៉ាក​គី​អៅ និង​អតីត​មេ​ប៉ូលិស​លោក ផាន​ហ្វីឡូ ឡា​ក់សាន់ (Panfilo Lacson)៕

​យុទ្ធនាការ​បោះឆ្នោត​ប្រធានាធិបតី​ចាប់ផ្តើម​នៅ​ហ្វីលីពីន​