​ដោយៈ បាយ័ន​/​សៀមរាបៈ កសិករ​ចំនួន ១២០​គ្រួសារ មកពី​ភូមិ​ចំនួន​១៥ ក្នុងស្រុក​ជីក្រែង និង​ស្រុក​សូទ្រនិគម ខេត្តសៀមរាប បានទទួល​ពូជ​បន្លែ ដើម្បី​ជំរុញ​ការងារ​ដាំ​ដុះ បង្កើន​ប្រាក់ចំណូល ដល់​ប្រជាកសិករ ។ ពិធី​ផ្តល់​ពូជ​បាន​ធ្វើឡើង​កាលពី​ថ្ងៃទី​០៧ ខែកុម្ភៈ ឆ្នាំ​២០២២​ម្សិលមិញ ដោយមាន​វត្តមាន​លោក ហៃ វាសនា អនុប្រធាន​មន្ទីរ​រ​កសិកម្ម​រុក្ខា​ប្រ​ម៉ាញ់ និង​នេសាទ​ខេត្តសៀមរាប លោក សាំង សុផល ប្រធានការិយាល័យ​ក្សេត្រសាស្ត្រ និង​ផលិតភាព​កសិកម្ម និង​សហការី​។​

​ក្នុងនោះ ប្រជាកសិករ​ចំនួន ៦០​គ្រួសារ មកពី ១០​ភូមិ រួមមាន​៖ ភូមិ​ថ្នល់ ចាន់​ស​ត្បូង ចាន់​ស​ជើង តា​តោក​លិច ជុប ដូន​ដៀវ ច្បា​រលើ គោក​ចិន ស្រែ​ប្រី​យ៍ និង​ភូមិ​ស​ន្លោ​ង នៅក្នុង​ឃុំ​ចា​ន់ស ស្រុក​សូទ្រនិគម និង​កសិករ​ចំនួន ៦០​គ្រួសារ មកពី ៥​ភូមិ រួមមាន​៖ ភូមិ​បុស​ពក កំពង់​ស្នោរ​លិច កំពង់​ស្នោរ​កើត ជីក្រែង និង​ភូមិ​សណ្តាន់ នៅក្នុង​ឃុំ​ជីក្រែង ស្រុក​ជីក្រែង​។​

​គ្រួសារ​កសិករ​នីមួយៗ ទទួលបាន គ្រាប់ពូជ​ចំនួន ៤​មុខ រួមមាន​៖ ត្រកួន ម្ទេស សណ្តែកកួរ និង​ស្ពៃ​៕