​ប្រែ​សម្រួល : កញ្ញា​ដា​លី​ស (CNA) ៖ អ្នកវិទ្យាសាស្ត្រ​ចិន​និយាយថា ពួកគេ​បាន​បង្កើត​ឧបករណ៍​ធ្វើតេស្តិ៍​រក​មេរោគ​កូរ៉ូណា ដែល​មាន​ភាពត្រឹមត្រូវ​ដូច​ការ​ធ្វើតេស្តិ៍ PCR នៅ​មន្ទីរពិសោធន៍​ប៉ុន្តែ​​ផ្តល់​លទ្ធផល​ក្នុង​រយៈពេល​៤ នាទី​។​

​ការ​ធ្វើតេស្តិ៍​ប្រតិកម្ម​ខ្សែសង្វាក់​ប៉ូលី​មែ​រ៉េស​( Polymerase-PCR) ត្រូវបាន​ចាត់ទុក​ថា​ត្រឹមត្រូវ​បំផុត​និង​ងាយ​ចាប់​មេរោគ​បង្កកូ​វីដ​បំផុត ប៉ុន្តែ​ជាធម្មតា​វា​ចំណាយពេល​ច្រើន​ម៉ោង​។​

​ប្រទេស​មួយចំនួន​បាន​ជួបប្រទះ​នឹង​ឧបសគ្គ​យ៉ាងធ្ងន់ធ្ងរ​ក្នុងពេល​ប្រឈមមុខ​នឹង​តម្រូវការ​ធ្វើតេស្តិ៍​ដ៏​ច្រើន​សម្បើម ដែល​បណ្តាល​មកពី​ការរីក​រាលដាល​នៃ​មេរោគ​អូ​មី​ក្រុង​។​

​អ្នកស្រាវជ្រាវ​មកពី​សាកលវិទ្យាល័យ​ហ្វ៊ូ​ដាន់ (Fudan)​ក្នុង​ទីក្រុង​សៀង​ហៃ និយាយថា ពួកគេ​មាន​ដំណោះស្រាយ​។​

​នៅក្នុង​ឯកសារ​ស្រាវជ្រាវ​ដែល​បាន​ពិនិត្យ​ដោយ​អ្នកស្រាវជ្រាវ​គ្នាឯង​រួចរាល់ ចេញផ្សាយ​កាលពី​ថ្ងៃ​ចន្ទ​នៅក្នុង​ទស្សនា​វ​ដ្តី​ណេ​ឆឺ ប៊ីយ៉ូ​មេឌី​ខ​ល អិន​ជីនៀ​រីង​( Nature Biomedical Engineering)​ក្រុមការងារ​ស្រាវជ្រាវ​បាន​និយាយថា ឧបករណ៍​ចាប់​សញ្ញា​របស់​ពួកគេ ដែល​ប្រើ​មីក្រូ​អេឡិចត្រូនិច​ដើម្បី​វិភាគ​សមាសធាតុ​ហ្សែ​ន​ពី​សំឡី​អាច​កាត់បន្ថយ​តម្រូវការ​សម្រាប់​ការធ្វើតេ​ស្តិ៍​រក​កូ​វីដនៅមន្ទីរ​​ពិសោធន៍​ដែល​ប្រើ​ពេលវេលា​យូរ​។​

​ក្រុម​នេះ​បាន​និយាយ​នៅក្នុង​ទស្សនា​វ​ដ្តីខាងលើ​ថា “​យើង​បាន​ប្រែក្លាយ​ឧបករណ៍​អេឡិចត្រូនិច​បាយអូ​សិន​ស័រ​( Biosensor)​សម្រាប់​រក​មើល​មេរោគ SARS-CoV-2 ឱ្យទៅ​ជា​ឧបករណ៍​គំរូ​រួមបញ្ចូល​គ្នា​និង​អាច​យក​តាម​ខ្លួន​បាន ហើយ​បាន​បង្ហាញថា​វា​បាន​រកឃើញ RNA របស់​មេរោគ​ក្នុង​រយៈពេល​តិចជាង ៤ នាទី​”​។

RNA គឺជា​ឈ្មោះ​មេរោគ​បង្កកូ​វីដ​១៩៕

​តម្រូវការ​សម្រាប់​ឧបករណ៍​ធ្វើតេស្តិ៍​រក​កូ​វីដ​បាន​ស្ទុះ​ឡើង​យ៉ាង​ខ្លាំង​ដោយសារតែ​ការរីក​រាលដាល​នៃ​មេរោគ​អូ​មី​ក្រុង