ដោយ​:​រ៉ា​ម៉ន​/​ភ្នំពេញ​: ដើម្បី​ទទួលបាន​ជ័យជំនះ នៃ​ការបោះឆ្នោត​ក្រុមប្រឹក្សា​សង្កាត់ នាពេល​ខាងមុខនេះ លោក​ឃួ​ង ស្រេង ប្រធាន​គណៈកម្មាធិការ​គណបក្ស​ប្រជាជន​កម្ពុជា​រាជធានី​ភ្នំពេញ បាន​ស្វះ​ស្វែងរក​ចំនុច​អវិជ្ជមាន​មួយចំនួន​យកមក​ធ្វើការ​កែលម្អរ​ឱ្យ​កាន់តែ​ប្រសើរឡើង ដើម្បី​ទទួលបាន​ការគាំទ្រ និង​ជឿទុកចិត្ត​ពី​សំណាក់​ប្រជាពលរដ្ឋ ឈានទៅដល់​ការបោះឆ្នោត​គាំទ្រ​គណបក្ស​ប្រជាជន​កម្ពុជា នៅក្នុង​ការបោះឆ្នោត​ជ្រើសរើស​ក្រុមប្រឹក្សា​សង្កាត់​នាពេល​ដ៏​ខ្លី​ខាងមុខនេះ​។​

​លោក​ឃួ​ង ស្រេង បាន​មានប្រសាសន៍ថា រាល់​ការងារ​អសកម្ម​ត្រូវតែ​កាត់បន្ថយ​អោយអស់​។ កងកម្លាំង​មាន​សមត្ថ​កិ​ច្វ ត្រូវតែ​បង្ក្រាប​អោយអស់​នូវ​ល្បែងស៊ីសង​គ្រប់​ប្រភេទ និង​គ្រឿងញៀន ពោលគឺ​រក្សា​អោយបាន​នូវ​សន្តិសុខ ជូន​ប្រជាពលរដ្ឋ ។

​ការស្វែងរក​ចំនុច​អវិជ្ជមាន​នេះ បាន​ធ្វើឡើង​ក្នុងជំនួប​សំណេះសំណាល​ជាមួយ​ប្រធាន​ក្រុមប្រឹក្សា​សង្កាត់​ទាំង​១១ នៃ​ខណ្ឌដូនពេញ នា​រសៀល​ថ្ងៃទី​០៨ ខែកុម្ភៈ ឆ្នាំ​២០២២ នៅ​ទីស្នាក់ការ​គណបក្ស​ប្រជាជន​កម្ពុជា​ខណ្ឌដូនពេញ​។​

​ក្នុង​ពិធី​សំណេះសំណាល​នេះ ប្រធាន​គណបក្ស​សង្កាត់​ទាំង​១១ បានលើកឡើង​ពី​ភាពជោគជ័យ​នៃ​ការបោះឆ្នោត​ក្រុមប្រឹក្សា​សង្កាត់​ចំនួន​បួន​អាណត្តិ​កន្លងមក ហើយក៏​សង្ឃឹមថា ការបោះឆ្នោត​ជ្រើសរើស​ក្រុមប្រឹក្សា​សង្កាត់​ក្នុង​អាណត្តិ​ទី​៥​នេះ​នឹង​ទទួលបាន​ជោគជ័យ​។ ការរំពឹងទុក​បែបនេះ ដោយសារតែ​យើង​មាន​គោល​​នយោបាយ​របស់​បក្ស​ល្អ​ត្រឹមត្រូវ ពិសេស​ថែមទៀត មាន​សម្ដេច​តេ​ជោ ហ៊ុនសែន ជា​ប្រធាន​គណ​ប​ក្ប្រ​ជា​ជនកម្ពុជា​ស​និង​ជា​នាយករដ្ឋមន្ត្រី ដ៏​ល្អ​ដែល​បាន​បំរើ​ជាតិ​មាតុភូមិ បម្រើ​ប្រជាពលរដ្ឋ​ដោយ​ភាព​ស្រលាញ់​និង​ស្មោះត្រង់ ។ អ្វីដែល​យើង​មើលឃើញ​កាន់តែច្បាស់​ទៀត​នោះ គឺ​នៅក្នុង​ដំណាក់កាល​នៃ​ការរីក​រាលដាល​កូ​វីដ​-១៩​នេះ សម្តេច​តេ​ជោ ហ៊ុន សែន អាជ្ញាធរ និង​កងកម្លាំង​មាន​សមត្ថកិច្ច មន្ទីរ​សុខាភិបាល​រាជធានី​ភ្នំពេញ​បាន​បំពេញការងារ ជូន​ប្រជាពលរដ្ឋ​បានល្អ​ប្រសើរ ដែល​ធ្វើអោយ​កិត្តិនាម​របស់​គណបក្ស​ប្រជាជន​កម្ពុជា​ត្រូវបាន​ប្រជាជន គោរព ស្រលាញ់​និង​មានការ​ជឿទុកចិត្ត ។​

​នៅ​ទីបញ្ចប់​នៃ​ពិធី​នេះ លោក​ឃួ​ង ស្រេង ប្រធាន​គណៈកម្មាធិការ​គណបក្ស​ប្រជាជន​កម្ពុជា​រាជធានី​ភ្នំពេញ បាន​ឧបត្ថម​ជា​ថវិកា​ជូន​គណបក្ស​ប្រជាជន​កម្ពុជា​ខណ្ឌដូនពេញ​ចំនួន​៥​លាន​រៀល និង​ប្រធាន​គណបក្ស​សង្កាត់​ទាំង​១១ ក្នុង​បក្ស​សង្កាត់​ទទួលបាន​២​លាន​រៀល​ផងដែរ​៕​