​ដោយៈ​ចាន់តូ​/​ភ្នំពេញៈ ប្រុស​ម្នា​ក់បាន​ស្លាប់បាត់​បង់ជីវិត បន្ទាប់ពី​ជិះ​ម៉ូតូ​បុក​រ៉ឺម៉ក​ពីក្រោយ​ពេញទំហឹង កាលពី​វេលា​ម៉ោង​៦:៤០ ព្រលប់​ថ្ងៃទី​៨ ខែកុម្ភៈ ឆ្នាំ​២០២២ ត្រង់ចំណុច​មុខ​សាលា​កងរាជអាវុធហត្ថ តាម​បណ្ដោយ​ផ្លូវជាតិ​លេខ​៤ ក្នុង​សង្កាត់​កន្ទោក ខណ្ឌ​កំបូល ។​

​ជនរងគ្រោះ​មិនទាន់​ស្គាល់​អត្តសញ្ញាណ​នៅឡើយ ដោយ​ជិះ​ម៉ូតូ​ម៉ាក​ឌ្រី​ម C១២៥ ពណ៌​ខ្មៅ ពាក់​ស្លាក​លេខ ភ្នំពេញ ១S.៥៨១៣ និង​ម៉ូតូ​សណ្ដោង​រ៉ឺម៉ក ម៉ាក​យ៉ាម៉ាហា​ស៊ី​រ៉ុ​ស ពណ៌​លឿង គ្មាន​ស្លាក​លេខ បើកបរ​ដោយ​បុរស (​រត់គេចខ្លួន​បាត់​) ម្នាក់​ដឹក​ត្រី​មួយគ្រឿង​។​

​ក្រោយពី​កើតហេតុ​សមត្ថកិច្ច​ជំនាញ​ចុះមក​វាស់វែង​យក​ម៉ូតូ​និង​រ៉ឺម៉ក​ទៅ​រក្សាទុក​នៅ​ការិយាល័យ​ចរាចរណ៍​ក្រុង​រងចាំ​ដោះស្រាយ​គ្នា​នៅ​ពីក្រោយ ចំណែក​សព​សមត្ថកិច្ច​ធ្វើ​កំណត់ហេតុ រួច​ប្រគល់​ឲ្យ​អ្នក​ដឹក​សព​ទៅ​តម្កល់ទុក​នៅ​វត្ត​ទឹកថ្លា​រងចាំ​សាច់ញាតិ​មក​ទទួលយក​ធ្វើបុណ្យ​តាម​ប្រពៃណី​៕​