​ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ កាលពី​ថ្ងៃ​អង្គារ​ទី​៨​កុម្ភៈ ក្រុមហ៊ុនហ្វាយ​ហ្សឺ​( Pfizer) បាន​ព្យាករណ៍​ឃើញ​ការលក់​បាន​ជាង ៥០ ពាន់​លាន​ដុល្លារ​ក្នុង​ឆ្នាំ ២០២២​សម្រាប់​វ៉ាក់សាំង​និង​​ថ្នាំ​ព្យាបាល​កូវី​ដ​១៩​របស់ខ្លួន ខណៈ​ក្រុមហ៊ុន​ឱសថ​យក្ស​នេះ​បាន​រាយការណ៍​ពី​ប្រាក់ចំណេញ​ប្រចាំឆ្នាំ​ច្រើន​ជាង​ទ្វេដង​ចេញ​ពី​ការលក់​ដ៏​រឹងមាំ​នៃ​វ៉ាក់សាំង​របស់ខ្លួន​។​

​ក្រុមហ៊ុន Pfizer​ដែល​វ៉ាក់សាំង​បង្កើតឡើង​រួមគ្នា​របស់​ខ្លួន​ជាមួយ​ក្រុមហ៊ុន​អាល្លឺម៉ង់​បាយ​អន​ថិច​( BioNTech) មើលឃើញ​ប្រាក់ចំណូល​ឆ្នាំ ២០២២ ទាប​ជាង​បន្តិច​សម្រាប់​វ៉ាក់សាំង​បើ​​ធៀប​នឹង​ឆ្នាំ​ដែល​ទើបនឹង​បញ្ចប់ ប៉ុន្តែ​នឹង​ទទួលបាន​ប្រាក់ចំណូល​យ៉ាងច្រើន​ពី​ការលក់​ថ្នាំ​ព្យាបាល​កូវី​ដ ផែ​ក​សូ​វីដ​(Paxlovid) របស់​ក្រុមហ៊ុន​។

​នាយក​ប្រតិបត្តិ​លោក​អាល់​បឺត បួ​ឡា (Albert Bourla)​បាន​ពណ៌​នា​ឆ្នាំ ២០២១ ជា “​ឆ្នាំ​របត់​” សម្រាប់​ក្រុមហ៊ុន Pfizer ដោយ​បន្ថែម​ថា​កិច្ចខិតខំ​ប្រឹងប្រែង​របស់​ក្រុមហ៊ុន​ក្នុង​ការកម្ចាត់​​ជំងឺ​រាតត្បាត “​បាន​ផ្លាស់ប្តូរ​ក្រុមហ៊ុន​របស់​យើង​ជា​រៀងរហូត​”​។​

​ក្រៅពី​វ៉ាក់សាំង ការលក់​មាន​ភាព​ចម្រុះ​នៅ​ទូទាំង​ផ្នែក​ផ្សេង​ទៀត​របស់​ក្រុមហ៊ុន Pfizer ។ ប្រាក់ចំណូល​បាន​ធ្លាក់ចុះ​សម្រាប់​ថ្នាំ​ព្យាបាល​សរីរាង្គ​ខាងក្នុង​និង​ការ​រលាក​និង​ថ្នាំ​ពង្រឹង​ប្រព័ន្ធ​​ការពារ​រាងកាយ ប៉ុន្តែ​បាន​កើន​ឡើង​សម្រាប់​ថ្នាំ​ព្យាបាល​ជំងឺមហារីក និង​ជំងឺ​កម្រ​ដទៃទៀត​៕

ក្រុមហ៊ុន Pfizer​បាន​ព្យាករណ៍​ឃើញ​ការលក់​បាន​ជាង ៥០ ពាន់​លាន​ដុល្លារ​ក្នុង​ឆ្នាំ ២០២២ សម្រាប់​វ៉ាក់សាំង​និង​ថ្នាំ​ព្យាបាល​កូវី​ដ​១៩​របស់ខ្លួន​