ដោយៈ ដកស្រង់​ពី​វចនានុក្រម​សម្តេច​សង្ឃរាជ ជួន ណាត​

​ស្រងាត់​

(—​ង៉ា​ត់​)

​គុណសព្ទ​

​ដែលមាន​សម្បុរ​ខៀវ​ឬ​បៃតង​ស្រងាំ​ហាក់ដូចជា​ឆ្លុះ​ពន្លឺ​ស្រទំ​ដល់​ភ្នែក​
​ខៀវស្រងាត់​, ​មើលទៅ​ព្រៃ​ឃើញ​ស្រងាត់ ។​
​ព​. ​ប្រ​. ​ដែល​ស្រងោច​លន្លោច​ហាក់ដូចជា​ស្ងប់ស្ងាត់​
​ស្រងាត់ចិត្ត ។​
​ស្រងូតស្រងាត់ ( ម​. ​ព​. ​ស្រងូត ) ។​

​ស្រងាំ​

(—​ង៉ាំ​)

​គុណសព្ទ​

​ដែលមាន​សម្បុរ​ស្រទំ​ប្រឿង​មិន​ចាំង​ភ្នែក​
​សម្បុរ​ស្រងាំ​, ​មើលទៅ​ឃើញ​ស្រងាំ ។​
​ដែល​ស្រទំ​ស្រឡះ​ល្ហល្ហេវ​
​មេឃមីរ​ស្រងាំ ។​
​ព​. ​ប្រ​. ​ដែល​ស្លៀកពាក់​សមរម្យ​មិន​រន្ទាល​ពេក​
​ស្រី​ស្រស់​ស្រងាំ​…​។​

​ក្រសាំងទាប​

​នាមសព្ទ​

​ឈ្មោះ​អន្លក់​មួយ​ប្រភេទ ដុះ​ក្នុង​ទី​ត្រជាក់​, ប្រើ​ជា​ជំនួស​សាឡា​ត់​បាន ។​

​គគ្រេងគគ្រាំ​

​ឧទានសព្ទ​

​សូរ​សន្ធឹក​ដោយ​លោតទឹក​លេង ឬ សូរ​សន្ធឹក​រលក​ដែល​បោក​ខ្ទប់​ខ្លាំង ។​

​គម្រិងគម្រាំង​

​គុណសព្ទ​

​ដែល​គគ្រិងគគ្រាំង​
​សាច់​គម្រិងគម្រាំង គឺ​សាច់​គគ្រិងគគ្រាំង ។​