ដោយៈ​សុផល​/ភ្នំពេញ​៖ ក្រុមហ៊ុន វេស​ឡាញ អេ​ឌ្យូ​ខេ​សិន គ្រុប កាលពី​ថ្ងៃទី​៧ ខែកុម្ភៈ​បានរៀបចំ​កិច្ចប្រជុំ​បូកសរុប​ការងារ​ប្រចាំឆ្នាំ និង​ដាក់ចេញ​ផែនការ​អភិវឌ្ឍ​សាលា រៀន ព្រមទាំង​ផ្សព្វផ្សាយ​ពី​យុទ្ធសាស្ត្រ និង​ផែនការ​សកម្មភាព​រយៈ​ពេល​ឆ្នាំ​៥​លើ​កំណែ​ទំរង់​ផ្នែក​សិក្សាធិការ ផ្នែក​ទីផ្សារ ផ្នែក​ធនធានមនុស្ស ផ្នែក​ប្រតិ​ប​តិ្ត​ការ ផ្នែក​ហិរ ញ្ញវត្ថុ និង​ផ្នែក​បច្ចេកវិទ្យា​(IT) ដើម្បី​ពង្រឹង​បន្ថែម និង​បន្ត​និរន្តរភាព​បណ្តាញ​គ្រឹះស្ថាន​អប់រំ​របស់ខ្លួន​។​

​ឧកញ៉ា ប៉ិច បូ​ឡែ​ន អគ្គ​នាយ​ក្រុមហ៊ុន វេស​ឡាញ អេ​ឌ្យូ​ខេ​សិន គ្រុប បាន​លើកឡើងថា ការរៀបចំ​យុទ្ធសាស្ត្រ​រយៈពេល​៥​ឆ្នាំនេះ​ឡើង គឺជា​គោលដៅ​រួម​របស់​ស្ថាប័ន ក្នុងទិសដៅ​អនុវត្តបាន​យ៉ាង​ល្អ​ក្នុងការ​ផ្តល់នូវ​គុណភាព​អប់រំ​ជូន​ដល់​សិស្សានុសិស្ស និង​បំពេញ​ទៅតាម​សេចក្តីត្រូវការ និង​ការពេញចិត្ត​ខ្ពស់​ជូន​អ្នកអាណាព្យាបាល​ទៅលើ​សេវាកម្ម និង​គុណភាព​អប់រំ ក៏​ដូច​បន្ត​និរន្តរភាព​របស់​ស្ថាប័ន​ផងដែរ​។​

​ក្នុង​កិច្ចប្រជុំ​យុទ្ធសាស្ត្រ​បានលើកឡើង​ពី​ការធ្វើ​ទំនើបកម្ម​គ្រប់​កម្មសិក្សា បញ្ចូល​បច្ចេកវិទ្យា​អប់រំ​ថ្មីៗ និង​បញ្ចូល​កម្មវិធី​គាំទ្រ​នានា ដើម្បី​បង្កើន​គុណភាព​អប់រំ​របស់​សិស្ស​ឱ្យ​កាន់​តែមាន​ប្រសិទ្ធភាព​ខ្ពស់​បន្ថែមទៀត​។ សាលា​ត្រូវ​បន្ត​រក្សា និង​អនុវត្ត​វិធីសាស្ត្រ​បង្រៀន​បែប​ចម្រុះ (Blended Learning) ដើម្បី​មាន​ភាពងាយស្រួល​ក្នុងការ​បត់ បែន និង​ធានាបាន​នូវ​និរន្តរភាព​នៃ​ការរៀន និង​បង្រៀន​ប្រកបដោយ​គុណភាព​នៅ​គ្រប់​កាលៈទេសៈ​។ លើសពីនេះ វេស​ឡាញ នឹង​គ្រោង​បង្កើត​មជ្ឈមណ្ឌល​វិទ្យាសាស្ត្រ (STEM Center) រួមមួយ​សម្រាប់​គាំទ្រ​ដល់​បណ្តាញ​សាលារៀន​វ៉េ​ស្ទ​ឡា​ញន៍ និង​សាធារណជន​ទូទៅ​ផងដែរ ដើម្បី​ប​ញ្ជ្រ​ប ក៏ដូចជា​លើកកម្ពស់​ចំណេះដឹង​ផ្នែក​វិទ្យា សាស្ត្រ​បន្ថែមទៀត​។​

​ទន្ទឹមនឹងនេះ វេស​ឡាញ រៀបចំ​វគ្គ​បណ្តុះបណ្តាល​ដល់​បុគ្គលិក​គ្រប់លំដាប់​ថ្នាក់ ដើម្បី​បង្កើត​ឳ​កាស​ការងារ និង​អភិវឌ្ឍ​ធនធានមនុស្ស ឬ​អ្នក​ស្នង​តំណែង​បន្ទាប់​។ បង្កើន​ទំនាក់ទំនង និង​បន្ត​កិច្ចសហប្រតិបត្តិការ​ជាមួយ​គ្រឹះស្ថាន​បណ្តុះបណ្តាល​និង​អប់រំ​ទាំង​ក្នុងប្រទេស និង​ក្រៅប្រទេស ដើម្បី​ផ្លាស់ប្តូរ​កម្មវិធីសិក្សា និង​បទពិសោធ​នានា​ជាមួយ​សាលា​នៅក្រៅ​ប្រទេស ព្រមទាំង​ស្វែងរក​អាហារូបករណ៍​សម្រាប់​សិស្ស​បន្ត​ការសិក្សា​នៅ​សាកលវិទ្យាល័យ​។

​ដើម្បី​ពង្រីក​វិសាលភាព​អប់រំ​ក្នុងប្រទេស​កម្ពុជា វេស​ឡាញ​ក៏បាន​ដាក់ចេញ​នូវ​យុទ្ធសាស្ត្រ ‘​ស្រុក​១​សាលារៀន​១’ តាមរយៈ​ការបង្កើត​បណ្តាញ​គ្រឹះស្ថាន​អប់រំ​ថ្មី​មួយ​ឈ្មោះ ថា ‘​សាលារៀន​សហគមន៍​២១” បន្ថែម​លើ​បណ្តាញ​គ្រឹះស្ថាន​អប់រំ​ដែលមាន​ស្រាប់ ក្នុងទិសដៅ​ចូលរួមចំណែក​ជាមួយ​រាជរដ្ឋាភិបាល​ក្នុងការ​អភិវឌ្ឍ​អ្នកដឹកនាំ​ជំនាន់​ថ្មី អភិវឌ្ឍ​សហគ្រិនភាព និង​សេដ្ឋកិច្ច​សហគមន៍ ជាមួយនឹង​ការបញ្ចូល​កម្មវិធី​ទម្លាប់​ល្អ​ទាំង​៧​សម្រាប់​បុគ្គល​ឆ្នើម (7 Habits for Highly Effective People) កម្មវិធី​បណ្តុះបណ្តាល​ចំណេះដឹង​ហិរញ្ញវត្ថុ​(MoneyTree) និង​កម្មវិធីសិក្សា​គាំទ្រ​ជាច្រើន​ទៀត រួម​នឹង​តម្លៃ​សិក្សា​សមរម្យ​។​

​លោក​ឧកញ៉ា បាន​រំ​ព្ញ​កថា បើទោះបីជា​បច្ចុប្បន្ន​ស្ថានភាព​កូ​វីដ​អាច​គ្រប់គ្រង​បាន​យ៉ាង​ល្អ​ដោយ​ប្រមុខ​រាជរដ្ឋាភិបាល​ក្តី ប៉ុន្តែ​គណៈនាយក បុគ្គលិក គ្រូបង្រៀន​ត្រូវតែមាន​ការការពារ ត្រៀមខ្លួន​ជានិច្ច និង​បន្ត​អនុវត្ត​ការបង្រៀន​បែប​ចម្រុះ ដើម្បី​ធានាថា សាលារៀន​នៅតែ​អាច​ផ្តល់ជូន​គុណភាព​អប់រំ​ទៅដល់​សិស្សានុសិស្ស​បាន​គ្រប់​កាលៈ ទេសៈ និង​ស្របទៅនឹង​ការអប់រំ​ក្នុង​យុគសម័យ​ថ្មី​នេះ​៕Ph