​ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ បុរស​ជនជាតិ​ប្រេ​ស៊ីលម្នាក់​បាន​ប្រារព្ធ​នូវ​អ្វី​ដែល​គាត់​អះអាងថា​ជា​ខួបកំណើត​គម្រប់ ១២១ ឆ្នាំ​របស់​គាត់ ខណៈ​ដែល​គាត់​ឥឡូវ​នេះ​បាន​ជាសះស្បើយ​ពី​ជំងឺ​កូវី​ដ​១៩ ជាមួយ​គ្រួសារ​របស់គាត់​ហើយ​។​

​លោកតា អង់​ដ្រេ​លី​ណូ វី​រ៉ា ដា ស៊ី​ល​វ៉ា (Andrelino Vieira da Silva) ដែល​រស់នៅក្នុង​ទីក្រុង​អា​ប៉ា​រី​ស៊ី​ដា ដឺ ហ្គោ​យី​អាណា (Aparecida de Goiania) ក្នុង​រដ្ឋ​ហ្គោ​យ៉ាស (Goias) ប្រទេសប្រេ​ស៊ីល បាន​ប្រារព្ធ​ខួប​គម្រប់ ១២១ ឆ្នាំ​កាល​ពី​ថ្ងៃទី ៣ ខែ​កុម្ភៈ​។​

​ឪពុក​ដែល​មាន​កូន​៧​នាក់​រូបនេះ​បាន​ប្រារព្ធ​ខួបកំណើត​ក្នុងអំឡុងពេល​ជួបជុំគ្នា​យ៉ាង​ស្និទ្ធស្នាល​ជាមួយ​ក្រុម​គ្រួសារ ដែល​រស់នៅ​លើ​ដី​តែ​មួយ​ជាមួយ​គាត់​ខណៈដែល​ពួកគេ​ទាំងអស់គ្នា​បានជា​សះ​​ស្បើយ​ពី​ជំងឺ​កូវី​ដ​១៩​។​

​លោកតា​ស៊ី​ល​វ៉ា ដែល​មាន​ចៅ ១៣ នាក់ ចៅទួត ១៦ នាក់ និង​ចៅលួត​ម្នាក់ បាន​កើត​នៅ​ថ្ងៃទី ៣ ខែ​កុម្ភៈ ឆ្នាំ ១៩០១ នេះ​បើ​យោងតាម​អត្តសញ្ញាណប័ណ្ណ​របស់គាត់​។​

​គាត់​នឹង​ក្លាយជា​មនុស្ស​ចាស់​ជាងគេ​លើ​ពិភពលោក ប្រសិនបើ​អាយុ​របស់គាត់​ត្រូវបាន​ផ្ទៀងផ្ទាត់​។​

​គាត់​បាន​រៀបកា​រហើយ​មានកូន​ប្រាំពីរ​នាក់ ក្នុងនោះ​កូន​ប្រាំ​នាក់​នៅ​មាន​ជីវិត​នៅឡើយ​៕

​លោកតា អង់​ដ្រេ​លី​ណូ វី​រ៉ា ដា ស៊ី​ល​វ៉ា បាន​ធ្វើ​ខួបកំណើត​គម្រប់ ១២១ ឆ្នាំ​កាល​ពី​ថ្ងៃទី​៣​កុម្ភៈ​អំឡុង​ពេល​កំពុង​កើតកូ​វីដ​មួយគ្រួសារ