ដោយៈ​សុវណ្ណ​កុម្ភៈ​/​ភ្នំពេញៈ ការធ្វើ​តេស្ត​តំណាក់កាល​ទី​២ ដើម្បី​រក​កីឡាករ​ដែលមាន​សមត្ថ​ភាព​ខ្ពស់​សម្រាប់​​ចូលរួម​ព្រឹត្តិការណ៍​​ AFF U23 Championship 2022 នឹងត្រូវ​ពន្យារពេល​ដល់​ថ្ងៃទី​១២ កុម្ភៈ​ទើប​បញ្ចប់ ។​

​ព្រឹត្តិការណ៍ AFF U23 Championship 2022 នេះ​នឹង​ចាប់ផ្ដើម​នៅ​ថ្ងៃទី​១៤ និង​បញ្ចប់​ទៅវិញ​នៅ​ថ្ងៃទី​២៦​កុម្ភៈ ។ ក្រុម​មកា​រងារ​គ្រូបង្វឹក U23​កម្ពុជា​បាន​បញ្ចា​ក់ថា​ការប្រកាស​កីឡាករ​២៨​នាក់​ចុងក្រោយ​ត្រូវបាន​ពន្យារពេល​ដល់​ថ្ងៃទី​១២ កុម្ភៈ ព្រោះ​ក្រុមការងារ​គ្រូ​ចង់​ឲ្យ​ពួកគេ​
​បង្ហាញ​នូវ​សក្ដានុពល​ដែល​ខ្លួន​មាន ហើយ​មានឱកាស​ហ្វឹកហាត់​ផ្ទាល់​ជាមួយ​លោក Keisuke Honda អ្នកចាត់ការ​ទូទៅ​ក្រុម​ជម្រើសជាតិ មុន​ឈានដល់​ការសម្រេច​បញ្ជី​ឈ្មោះ​ចុងក្រោយ​សម្រាប់​ត្រៀម​ការប្រកួត AFF U23 នា​សប្ដាហ៍​ក្រោយ​។​

​ការធ្វើ​តេស្ត​តំណាក់កាល​បឋម​មាន​កីឡាករ​ចំនួន​៧៤​រូប មកពី​១៨​សមាគម​ក្លិប​ចូលរួម​ដែល​ការធ្វើ​តេស្ត​ដំណាក់កាល​បឋម​នេះ​រក​​សម្រាប់​ព្រឹត្តិការណ៍​​បាន​​កីឡាករ​ចំនួន​៣៦​នាក់​។ សម្រាប់​ការធ្វើ​តេស្ត​ដំណាក់កាល​ទី​២ ដែល​នឹង​បញ្ចប់​នៅ​ថ្ងៃទី​៨ កុម្ភៈ​នេះ​គឺ​ដើម្បី​ជម្រុះ​យក​កីឡាករ​តែ​២៨​នាក់​ចុងក្រោយ​ប៉ុណ្ណោះ ។​

​ការធ្វើ​តេស្ត​នៅ​តំណាក់កាល​ទី​២​នេះ​នៅសល់តែ​កីឡាករ​មកពី​សមាគម ក្លិប​ចំនួន​៨​ប៉ុណ្ណោះ ដែល​ក្នុងនោះ​មាន​ក្លិប​ភ្នំពេញ​ក្រោ​ន ព្រះខ័ន​រាជ​ស្វាយរៀង វិសាខា ក្លិប​បឹងកេត ក្លិប​អង្គ​រថា​យ​ហ្គឺ​រ សមាគម​បាល់ទាត់​កងយោធពល​ខេមរភូមិន្ទ អគ្គីសនី​កម្ពុជា ខេត្តព្រៃវែង និង​មជ្ឈមណ្ឌល​សាលា​បាល់ទាត់​បាទី ។​

​សម្រាប់​ព្រឹត្តិ​កាណ៍ AFF U23 Championship 2022 នេះ​ចែកចេញជា​៣​ពូ​ល​ដែល​ពូ​ល A មាន​ក្រុម​កម្ពុជា​ដែលជា​ម្ចាស់ផ្ទះ ទី​ម័​រ​ខាងកើត ហ្វីលីពីន និង ព្រុយ​ណេ ។ សម្រាប់​ពូ​ល B វិញ​មាន​ក្រុម​ឥណ្ឌូ​នេ​សី ម៉ាឡេស៊ី មី​យ៉ាន់​ម៉ា និង​ឡាវ ចំពោះ​ពូ​ល C មាន​ក្រុម​ថៃ វៀតណាម និង ក្រុម​សឹង្ហ​បូរី​៕​