​ប្រែ​សម្រួល : កញ្ញា​ដា​លី​ស (​ដេល្លីម៉េល​) ៖ កាលពី​ថ្ងៃ​ព្រហស្បតិ៍​ទី​១០​កុម្ភៈ រដ្ឋបាលបៃដិ​ន​បាន​អ​នុម័ត​ការលក់​សព្វាវុធ​ជិត ១៤ ពាន់​លាន​ដុល្លារ​ដល់​ឥណ្ឌូនេស៊ី​ខណៈ​សហរដ្ឋ​អាម៉េរិក​កំពុង​ជំរុញ​បន្ត​ទៅមុខ​​ជាមួយនឹង​ជំហាន​ដែល​ខ្លួន​ជឿ​ថា​នឹង​ជួយ​ទប់ទល់​នឹង​ការកើនឡើង​នៃ​អំណាច​របស់​ចិន​នៅក្នុង​តំបន់​ឥណ្ឌូ​ប៉ាស៊ីហ្វិក​។​

​ក្រសួងការបរទេស​អាម៉េរិ​ក​បាន​ប្រកាស​ពី​ការល​ក់​យន្តហោះ​ចម្បាំង​ទំនើប​តម្លៃ ១៣,៩ ពាន់​លាន​ដុល្លារ​ខណៈ​រដ្ឋមន្ត្រីការបរទេស​លោក​អ៊ែន​ថូ​នី ប្លីង​កិន​កំពុង​បំពេញ​ទស្សនកិច្ច​នៅ​ប្រទេស​អូស្ត្រាលី​​ក្នុង​ដំណើរ​ទស្សនកិច្ច​ក្នុង​បំណង​គូសបញ្ជាក់​ពី​ការប្តេជ្ញា​ចិត្ត​របស់​សហ​រដ្ឋ​អាម៉េរិក គឺ​មិន​អនុញ្ញាត​ឱ្យ​ចិន​កាន់កាប់​ដោយ​សេរី​នៅ​តំបន់​ប៉ាស៊ីហ្វិក​ទោះបី​ការវិវត្តិ​រវាង​រុស្ស៊ី​និង​អ៊ុ​យក្រែ​ន​ទាមទារ​ការយក​​ចិត្ត​ទុកដាក់​ក៏ដោយ​។​

​ការលក់​យន្តហោះ​ចម្បាំង F-15 ដល់​ឥណ្ឌូនេស៊ី​រហូតដល់ ៣៦ គ្រឿង ម៉ាស៊ីន​និង​ឧបករណ៍​ពាក់ព័ន្ធ រួម​ទាំង​គ្រាប់ និង​ប្រព័ន្ធ​ទូរគមនាគមន៍​គឺ​ធ្វើឡើង​បន្ទាប់​ពី​ដំណើរ​ទស្សនកិច្ច​កាលពី​ពាក់កណ្តាល​​ខែ​ធ្នូ​ទៅ​កាន់​ទីក្រុង​ហ្សា​ការតា​ដោយលោក​ប្លីង​កិន ដែល​នៅពេល​នោះ​បាន​កោតសរសើ​រ​ដល់​ទំនាក់ទំនង​រវាង​សហរដ្ឋ​អាម៉េរិក​និង​ឥណ្ឌូនេស៊ី ត្បិត​ការព្រួយបារម្ភ​អំពី​សិទ្ធិ​មនុស្ស​បាន​ពន្យារពេល​ការលក់​សព្វាវុធ​ពីមុន​ទៅ​ប្រទេស​នេះ​។​

​ក្រសួង​ការបរទេស​បាន​និយាយ​នៅក្នុង​សេចក្តីថ្លែងការណ៍​ថា “​ការលក់​ដែល​បាន​ស្នើ​ឡើង​នេះ​នឹង​គាំទ្រ​ដល់​គោលដៅ​គោលនយោបាយ​ការបរទេស និង​គោលដៅ​សន្តិសុខ​ជាតិ​របស់​សហរដ្ឋ​អាម៉េរិក ដោយ​ធ្វើឱ្យ​ប្រសើរឡើង​នូវ​សន្តិសុខ​នៃ​ដៃគូ​ក្នុង​តំបន់​ដ៏​សំខាន់​ដែល​ជា​កម្លាំង​សម្រាប់​ស្ថិរភាព​នយោបាយ និង​វឌ្ឍនភាព​សេដ្ឋកិច្ច​នៅក្នុង​តំបន់​អាស៊ី​ប៉ាស៊ីហ្វិក​”​។

​ក្រសួង​និយាយថា “​វា​មាន​សារៈសំខាន់​ណាស់​ចំពោះ​ផលប្រយោជន៍​ជាតិ​របស់​សហរដ្ឋ​អាម៉េរិក​ក្នុង​ការជួយ​ឥណ្ឌូនេស៊ី​ក្នុង​ការអភិវឌ្ឍ​និង​រក្សា​នូវ​សមត្ថភាព​ស្វ័យការពារ​ដ៏​រឹងមាំ​និង​មាន​ប្រសិទ្ធភាព​”៕

​លោក​ប្លីង​កិន​កំពុងស្ថិត​នៅ​ទីក្រុង​មែន​ប៊​ន​របស់​អូស្ត្រាលី​កាលពី​ថ្ងៃ​ព្រហស្បតិ៍​