ទឹក​សម្រាប់​ស្រោចស្រព​ដំណាំ និង​ទឹក​សម្រាប់ ប្រើប្រាស់ ប្រចាំថ្ងៃ​របស់​មនុស្ស សត្វ នៅក្នុង​ខេត្ត​ឧ​ត្ត​រ​មានជ័យ នៅពេលនេះ មិនមាន​បញ្ហា​ខ្វះ ដូច​នៅ​អំឡុង​ពី​ឆ្នាំ ២០១៦ ដល់​ឆ្នាំ​២០១៨ ដែល​ត្រូវ​ដឹក​ទឹក ចែក​តាម​ផ្ទះ​នោះ​ទៀតហើយ បន្ទាប់ពី​ក្រសួង​ធនធានទឹក និង​ឧតុនិយម បាន​ខិតខំ​ធ្វើការ​ស្តារ និង​កសាង​ហេ​ដ្ឋា​រចនា សម្ព័ន្ធ ធារាសាស្ត្រ​តូចធំ សរុប​បាន ចំនួន ៩៣ កន្លែង អាច​តម្កល់​ទឹក ទុក​ប្រើប្រាស់ ក្នុង​រដូវប្រាំង បាន​ដល់​ចំនួន ៧០០ លាន​ម៉ែត្រគូប ដែល​ក្នុងនេះ តម្រូវការ​ប្រើប្រាស់ ក្នុង​ទូទាំង​ខេត្ត ឧ​ត្ត​រ​មានជ័យ តែ ២០០ លាន​ម៉ែត្រគូប​ទេ ៥០០ លាន​ម៉ែត្រគូប​ទៀត បញ្ជូនទៅ​ស្រោចស្រព និង​ប្រើប្រាស់​ប្រចាំថ្ងៃ នៅក្នុង​ខេត្តបន្ទាយមានជ័យ និង​ខេត្តសៀមរាប ទាំង​ក្នុង​រដូវប្រាំង និង​រដូវវស្សា​។​