ដោយៈ ស​រិ​ទ្ធ / ភ្នំពេញៈ នៅ​ព្រឹក​ថ្ងៃទី ១១ ខែកុម្ភៈ ឆ្នាំ​២០២២ នេះ ក្រុមការងារ អនុសាខា កាកបាទក្រហមកម្ពុជា ខណ្ឌមានជ័យ ដឹកនាំ​ដោយ លោក ឌី រ័ត្ន​ខេ​ម​រុណ ប្រធាន​គណៈ ក​ម្មា​ធិ​ការ​អនុសាខា បាន​ចុះសាកសួរ​សុខទុក្ខ និង ចែក​អំណោយ​មនុស្សធម៌ ជា​គ្រឿង ឧបភោគ បរិភោគ ជូន​ដល់​ប្រជាពលរដ្ឋ ដែល​ជួប​ជីវភាព​ខ្វះខាត ចាស់ជរា គ្មាន​ទីពឹង ស្ត្រី​មេម៉ាយ​កូន​ច្រើន ជនពិការ ចំនួន ៤០ គ្រួសារ ស្ថិតក្នុង​សង្កាត់​ចាក់អង្រែ​ក្រោម ខណ្ឌមានជ័យ រាជធានី​ភ្នំពេញ ។

​នាឱកាស​នោះ លោក ឌី រ័ត្ន​ខេ​ម​រុណ បានផ្ដល់​អំណោយ​មនុស្សធម៌ ជូន​ក្នុង ១ គ្រួសារៗ រួមមាន អង្ករ ២៥​គី​ទ្បូ​ក្រាម , មី​១​កេស , ទឹកត្រី​១​យួរ , ទឹក​ស៊ីវ​អ៊ីវ​១​យួរ , ម៉ាស់ ១​ប្រអប់ , ជែ​ល​លាងដៃ ១​ដប និង​ទឹក​សុទ្ធ ១​យួរ ដើម្បី​ជួយ​សម្រួល ដល់​ជីវភាព​រស់នៅ ប្រចាំថ្ងៃ​៕/V​-PC