​ដោយៈ​អង្គា​រ៍​ហេង​/​ភ្នំពេញៈ ស្ត្រី​មាន​ជំងឺ​កូ​វីដ​-១៩ ម្នាក់ ដែល​សម្រាក​ព្យាបាល​នៅផ្ទះ បានសម្រេច​ចិត្ត ទៅ​លោ ត ទឹក​សម្លាប់ខ្លួន​ពីលើ​ស្ពាន​ជ្រោយចង្វារ ដោយសារ​តូចចិត្ត​ប្តី​ផឹក​ស្រវឹង​ប្រើ​ហិង្សា​វាយតប់ រូប គាត់ ជា​រៀងរាល់ថ្ងៃ តែ​ត្រូវបាន​ប្រជាពលរដ្ឋ​ឃាត់​ទាន់​។ ហេតុការណ៍​នេះ កើតឡើង​កាលពី ម៉ោង ១១ យប់​ថ្ងៃ ទី​១០ ខែកុម្ភៈ ឆ្នាំ ២០២២ នៅលើ​ស្ពាន​ជ្រោយចង្វារ​ចាស់ ស្ថិតក្នុង​សង្កាត់ ជ្រោយចង្វារ ខណ្ឌ​ជ្រោយចង្វារ​។​

​ស្ត្រី​ខាងលើ​មាន​អាយុ​៤៣​ឆ្នាំ ជា​អ្នក​មើលថែ​ក្មេងៗ​នៅ​អង្គការ​មួយ​។ គាត់​បានឱ្យដឹងថា បាន​ប៉ុន្មាន​ថ្ងៃ​មុននេះ​គាត់​មាន​អា​ការៈមិន​ស្រួលខ្លួន ក៏​ទៅពិនិត្យ​សុខភាព​នៅ​មន្ទីរពេទ្យ​ព្រះ កេតុមាលា​។ បន្ទាប់មក​ក្រុមគ្រូពេទ្យ បាន​យក​សំណាក​ទៅធ្វើ​តេស្ត ហើយ​ប្រាប់ថា រូបគាត់​វិ​ជ្ច​មាន​ជំងឺ​កូ​វីដ​-១៩ និង បានធ្វើ​កិច្ចសន្យា​ឱ្យ​រូបគាត់​ទៅ​សម្រាក​ព្យាបាល​នៅផ្ទះ​។ ពេល​គាត់​សម្រាក​ព្យាបាល​នៅផ្ទះ​តាម​ការណែនាំ​របស់​ក្រុមគ្រូពេទ្យ​បែរជា​កន្លែងធ្វើការ ចោទប្រកាន់ថា​គាត់​កុហក​យក​លេស​ធ្វើជា​ឈឺ គេច​ពី​ការងារ​ទៅវិញ​។ ចំណែក ប្តី​របស់គាត់ វិញ​បែរជា​ប្រចណ្ឌ​រូបគាត់ ហើយ​ចោទថា​ធ្វើជា​ឈឺ​នៅផ្ទះ លួច​ទៅ​មាន​សហាយ​ទៅវិញ ហើយ ពេល​ផឹក​ស្រវឹង​ម្តងៗ​គឺ តែងតែ​ប្រើ​ហិង្សា​វាយតប់​រូបគាត់ ស្ទើរ​រៀងរាល់ថ្ងៃ​។ នៅ​ថ្ងៃកើតហេតុ នោះ ប្តី​គាត់​បាន​វាយ​គាត់ និង​យក​ខ្សែក្រវាត់​មក​រឹត ក គាត់​ឡើង​ជាំ ពេលនោះ​គាត់​រើរួច​ក៏​រត់ ចេញពីផ្ទះ​មក​លោតទឹក​សម្លាប់ខ្លួន​តែម្តង ។​

​បន្ទាប់ពី​កើតហេតុ​ស្ត្រី​រូបនេះ បាន​ប្រាប់ថា រូបគាត់​ចង់ទៅ​សម្រាក​ព្យាបាល នៅ​កន្លែង ព្យាបាល​ជំងឺ​កូ​វីដ​-១៩ ដើម្បី​គេច​ពី​ប្តី​ដែល​តែងតែ​ប្រើ​ហិង្សា​មកលើ​គាត់ ហើយ ប្រជាពលរដ្ឋ ក៏ បាន​រាយការណ៍​ប្រាប់​សមត្ថកិច្ច​មូលដ្ឋាន​ឱ្យមក​ជួយ​អន្តរាគមន៍ ៕​