ដោយៈ​រ៉ា​ម៉ន​/​ភ្នំពេញៈ​ចាប់ពី​ថ្ងៃទី ០៧ ដល់​ថ្ងៃទី ១០ ខែកុម្ភៈ ឆ្នាំ​២០២២ លោក ជា ពិសី អភិបាលខណ្ឌ​ទួលគោក និង​ក្រុមការងារ​បាន​អញ្ជើញ​ចុះ​ជួបប្រជុំ​ជាមួយ​ប្រជាពលរដ្ឋ​ដែល​រស់នៅ​ផ្លូវ​លេខ ១៣៨ ចន្លោះ​ពី​ផ្លូវ​លេខ ២៦៥​ដល់ ផ្លូវ​លេខ​២៧១​សរុប​ចំនួន​៥៤​ខ្នង​ផ្ទះ​ក្នុងនោះ​ប្រជាពលរដ្ឋ​ដែល​បាន​ស្ម័គ្រចិត្ត​ផ្ដិតមេដៃ​យល់ព្រម​រុះរើ​ទីលំនៅ​ទៅ​តាំងទី​លំនៅ​ថ្មី នៅ​តំបន់​អភិវឌ្ឍន៍​ក្រុមហ៊ុន 7NG ស្ថិតនៅ​ឃុំ​វិហារ​សួគ៌ ស្រុក​ខ្សាច់កណ្ដាល ខេត្តកណ្ដាល ចំនួន ៥០​ខ្នង​ផ្ទះ ។​

ចំណែក​បួន​ខ្នង​ផ្ទះ​ទៀត​មិនទាន់បាន​យល់ព្រម​នៅឡើយ​ដោយ​ក្នុងនោះ​ពលរដ្ឋ​ពីរ​ខ្នង​ផ្ទះ​សំណើសុំ​ទៅ​មើល​ទីតាំង​ដី​ផ្ទាល់​សិន​ទើប​សម្រេច​ចិត្តជា​ក្រោយ​។​ពលរដ្ឋ​មួយ​ខ្នង​ផ្ទះ​សំណើសុំ​ដោះស្រាយ​គោលនយោបាយ​ជា​ថវិកា​ចំនួន​មួយ​ម៉ឺន​ដុល្លារ (​ដោយ​មិន​ទទួលយក​ដី ) ហើយ​ពលរដ្ឋ​មួយ​ខ្នង​ផ្ទះ​ទៀត​សំណើសុំ​ដី​ចំនួន​ពីរ​ឡូត៍ ៕​សរន​