​ប្រែ​សម្រួលៈ​បំណង​(​ដេល្លី​ម៉េល​)៖ រដ្ឋមន្ត្រីការបរទេស​អាឡឺម៉ង់​លោកស្រី អាន​ណា​ឡេ​ណា ប៊ែរ​អឺ​ប៊​ក​(Annalena Baerbock)​បាន​និយាយ​កលា​ពី​ថ្ងៃ​សុក្រ​ទី​១១​កុម្ភៈ​ថា ការបង្កើន​កម្លាំង​ទ័ព និង​សម​​យុទ្ធ​យោធា​នៅ​ព្រំដែន​ជាប់​នឹង​អ៊ុ​យក្រែន មានន័យ​ស្មើនឹង​ការបង្កើន​ភាព​តានតឹង​មួយ​។​

​ប៊ែរ​អឺ​ប៊​ក បាន​និយាយ​ក្នុង​សន្និសីទកាសែត​មួយ​នៅ​ក្រុង​អា​ម៉ង់ ប្រទេស​ហ្សកដានី ថា «​ខាង​យោធា យើង​មិន​មើលឃើញ​សញ្ញា​ធូរស្រាល​ណាមួយ​ទេ តែ​វា​កាន់តែ​កើនឡើង​ទៅវិញ​។​ការបង្កើន​កម្លាំង​ទ័ព​​របស់​រុស្ស៊ី និង​នៅ​បេឡា​រូស​ទាហាន​ប្រមាណ​៣០.០០០​នាក់​កំពុង​ធ្វើ​សមយុទ្ធ​យោធា មួយ​ផ្នែក​ជាប់​នឹង​ព្រំដែន​អ៊ុ​យក្រែន​»​។​

​លោកស្រី​បាន​បន្ថែមថា «​ហេតុនេះហើយ​បានជា​យើង​កំពុង​ត្រៀម​គ្រប់​សេណា​រី​យ៉ូ ដោយ​សម្របសម្រួល​គ្នា​ជិតដិត​ជាមួយ​សម្ពន្ធមិត្ត​របស់​យើង​និង​ជាមួយ​ដៃគូ​របស់​យើង​នៅ​សហភាព​អឺរ៉ុប​។​មាន​បន្ទាត់​​ក្រហម​មួយ ហើយ​នោះ​គឺ​អធិបតេយ្យភាព​របស់​អ៊ុ​យក្រែន​។​យើង​កំពុង​ត្រៀម​គ្រប់​វិធានការ​ដោយ​ស្វាហាប់​តែ​យើង​ក៏ធ្វើការ​ចរចា​ផងដែរ​ក្នុងពេល​ជាមួយគ្នា​»​។​

​លោកស្រី អាន​ណា​ឡេ​ណា ប៊ែរ​អឺ​ប៊​ក បាន​និយាយថា សមយុទ្ធ​ទ័ពជើងទឹក​រុស្ស៊ី​នៅ​សមុទ្រ​ខ្មៅ​ក៏​ស្មើនឹង​ការបង្កើន​ភាព​តានតឹងផងដែរ​៕

រដ្ឋមន្ត្រីការបរទេស​អាឡឺម៉ង់​លោកស្រី អាន​ណា​ឡេ​ណា ប៊ែរ​អឺ​ប៊​ក​