​ប្រែ​សម្រួលៈ​បំណង​/​កង់​បេរ៉ា​(​ដេល្លី​ម៉េល​,​អេ​ភី​)៖ រដ្ឋមន្ត្រីការបរទេស​អាម៉េរិក​លោក អ៊ែន​ថូ​នី ប្លីង​កិន បាន​អះអាង​កាលពី​ថ្ងៃ​សុក្រ​ទី​១១​កុម្ភៈ​ថា រុស្ស៊ី​អាច​ចូលលុកលុយ​ប្រទេស​អ៊ុ​យក្រែន​ក្នុងអំឡុងពេល​​ប្រកួត​កីឡា​អូឡាំពិក​រដូវរងា​ក្រុង​ប៉េកាំង​បច្ចុប្បន្ន ដូច្នេះ​«​ពលរដ្ឋ​អាម៉េរិក​គួរ​ចាកចេញ​ពី​ប្រទេស​អឺរ៉ុប​ខាងកើត​នេះ​ជាបន្ទាន់​»​។​

​លោក​ប្លីង​កិន​មិន​បាន​ផ្តល់​ព័ត៌មាន​លម្អិត​ឬ​ហេតុផល​នៅ​ពីក្រោយ​ការព្រមាន​ចុងក្រោយ​នេះដល់​ថ្នាក់​ប្រាប់​អោយ​ពលរដ្ឋ​អាម៉េរិក​ចា​កចេញពី​អ៊ុយ​ក្រែន​ជាបន្ទាន់​បែបនេះ​ទេ តែ​ថា​«​យើង​បន្ត​ឃើញ​​សញ្ហា​​នៃ​ការបង្កើន​ភាពតាន​តឹង​ពី​រុស្ស៊ី រួម​មាន​កងកម្លាំង​ថ្មី​បាន​ទៅ​ដល់​ព្រំដែន​អ៊ុ​យក្រែន​។​យើង​កំពុង​នៅក្នុង​បង្អួច​មួយ​នៅពេល​ការឈ្លានពាន​មួយ​អាច​ចាប់ផ្តើម​នៅ​ពេល​ណាមួយ និង​ច្បាស់​​ណាស់​វា​អាច​ទាំង​កើតឡើងក្នុងអំឡុងពេល​ប្រកួត​កីឡា​អូ​ឡាំ​ពិ​ចនេះ​ទៀតផង​»​។​

​រុស្ស៊ី​កំពុង​ប្រមូលផ្តុំ​ទាហាន​ជាង​១០០.០០០​នាក់​នៅ​ក្បែរ​ព្រំដែន​អ៊ុ​យក្រែន និង​ថា​ខ្លួន​មិន​មាន​ផែនការ​ចូល​ឈ្លានពាន​ប្រទេស​ក្បែរ​ខាង​ខ្លួន​ទេ តែ​ក៏​កំពុង​ទាមទារ​អោយ​អាម៉េរិក​និង​អង្គការ​ណា​តូ​កុំ​​បញ្ចូល​អ៊ុយ​ក្រែ​ន​និង​បណ្តាប្រទេស​អតី​ត​សហភាពសូវៀត​ដទៃទៀត​ចូល​ជា​សមាជិក​អង្គការ​ណា​តូ ជា​អ្វី​ដែល​អាម៉េរិក​និង​ណា​តូ​បាន​ច្រានចោល​៕

​ប្លីង​កិន បាន​អះអាង​ស្មានៗ​ដូច្នេះ​ចេញពី​ក្រុង​មែ​ល​ប៊​ន ប្រទេស​អូស្ត្រាលី កន្លែង​ដែល​លោក​កំពុង​ជួបប្រជុំ​ជាមួយ​សម​ភាគី​៣​ប្រទេស​ទៀត​ក្នុង​ក្រុម​សម្ពន្ធភាព​ថ្មី​មួយ​ហៅ​ថា​ក្វាដ​