ប្រែ​សម្រួល : កញ្ញា​ដា​លី​ស (​ស្ត្រេត​ថែមស៍​) ៖ មនុស្ស​ជិត​បី​លាន​នាក់​នៅក្នុង​ប្រទេស​ម៉ាឡេស៊ី​បាន​ឆ្លងកូវី​ដ​១៩ ខណៈ​ករណី​ឆ្លង​នៅ​មិនទាន់​ជា​បាន​កើនឡើង​ដល់​ជាង ១០០.០០០ នាក់​។​

​កាសែត The Star​បាន​រាយការណ៍​ថា ប្រទេស​នេះ​បាន​រង​ការវាយប្រហារ​យ៉ាងដំណំ​ដោយ​ករណី​ឆ្លង​ថ្មី ៥​ខ្ទង់​សម្រាប់​រយៈពេល ៦ ថ្ងៃ​ជាប់ៗ​គ្នា ជា​មួយ​ចំនួន​ឆ្លង​ខ្ពស់​បំផុត​គឺ ២០.៩៣៩​នាក់​ដែល​​បាន​រាយការណ៍​កាលពី​ថ្ងៃ​សុក្រ​ទី​១១​កុម្ភៈ​។​

​តួលេខ​ប្រចាំថ្ងៃ​ខ្ពស់​បំផុត​មិន​ធ្លាប់​មាន​ដែល​កត់ត្រា​ដោយ​ម៉ាឡេស៊ី​គឺ ២៤.៥៩៩ ករណី​នៅ​ថ្ងៃទី ២៦ ខែ​សីហា ឆ្នាំ ២០២១​។​

​អគ្គនាយក​សុខាភិបាល​លោក​វេជ្ជបណ្ឌិត នួ​រ ហ៊ី​សាម អាប់​ឌុល​ឡា (Noor Hisham Abdullah)​បាន​បង្ហោះ​សារ​លើ Twitter​ថា​ចំនួន​ឆ្លង​ចុងក្រោយបង្អស់​នេះ​បាន​នាំ​ឱ្យ​ការឆ្លង​កើន​ឡើង​នៅក្នុង​​ប្រទេស​រហូត​ដល់​ទៅ ២.៩៩៦.៣៦១ នាក់​៕

ប្រទេស​ម៉ាឡេស៊ី​កត់ត្រា​ករណី​ឆ្លង ៥ តួលេខ ៦ ថ្ងៃ​ជាប់ៗ​គ្នា