ដោយៈ សុវណ្ណ​កុម្ភៈ / ភ្នំពេញៈ ប្រដាល់​គុន​ខ្មែរ នឹង​រឿប​ចំការ​ប្រកួត​ជើងឯក​ជាតិ ឆ្នាំ​២០២១ របស់ខ្លួន ពីថ្ងៃ​ទី​១៤ ដល់ ១៨ កុម្ភៈ​ហើយ​នៅ​ព្រឹក​ថ្ងៃទី​១២ ខែកុម្ភៈ ឆ្នាំ​២០២២ លោក​ឧ​ត្ត​ម​សេនីយ៍​ឯក តែម ម៉ឺន ប្រធាន​សហព័ន្ធ កីឡាប្រដាល់ គុន​ខ្មែរ បាន​បើក​កិច្ចប្រជុំ​ជាមួយ មន្ត្រី​បច្ចេកទេស​របស់ខ្លួន ជិត ១០០ នាក់ ដើម្បី​ព្រឹត្តិការណ៍ ប្រចាំ​ឆ្នាំនេះ ។​

​លោក​ប្រធាន​សហព័ន្ធ​ប្រដាល់​គុន​ខ្មែរ បាន​មានប្រសាសន៍ថាៈ ការប្រកួត ជើងឯក ឆ្នាំនេះ សហព័ន្ធ នឹង​កំណត់​គណៈកម្មការ​បច្ចេក​ទេស តាម​គោល ការណ៍ របស់​ក្រសួង​អប់រំ យុវជន និង​កីឡា ចំនួន ៣០ ទៅដល់ ៤០ នាក់ ដើម្បី​ពង្រឹងសមត្ថភាព មន្ត្រី​បច្ចេកទេស អាជ្ញាកណ្តាល ចៅក្រម​កីឡា ប្រដាល់​គុន​ខ្មែរ ត្រៀម​ព្រឹត្តិការណ៍ ការប្រកួត​កីឡា SEA GAMES លើក​ទី​៣២ ឆ្នាំ​២០២៣ នៅ​ប្រទេស​កម្ពុជា​។

​មន្ត្រី​បច្ចេកទេស​អាជ្ញាកណ្តាល ចៅក្រម​កីឡា ប្រដាល់​គុន​ខ្មែរ ត្រូវតែមាន សមត្ថភាព ច្បាស់លាស់ ពីព្រោះ ក្នុង​ឆ្នាំ​២០២១ សហព័ន្ធ ត្រូវ​រៀបចំ​ព្រឹត្តិ ការណ៍​ធំៗ ចំនួន​៣ គឺ​ព្រឹត្តិការណ៍ ការប្រកួត​កីឡា ប្រដាល់​គុន​ខ្មែរ ជ្រើសរើស​ថ្នាក់ជាតិ ២០២១ ព្រឹត្តិការណ៍ ការប្រកួត​កីឡាប្រដាល់​គុន​ខ្មែរ ជ្រើសរើស​ថ្នាក់ជាតិ ២០២២ និង​ព្រឹត្តិការណ៍​ការប្រកួត កីឡា​ជាតិ លើក​ទី​៣ នៅ​ប្រទេស​កម្ពុជា​។​

​ចៅក្រម ត្រូវតែ​ផ្ដល់​ពិន្ទុ ដោយ​យុត្តិធម៌ ចំពោះ​អាជ្ញាកណ្ដាល ដែលជា​អ្នក ដឹកនាំ​ការប្រកួត លើស​ង្វៀន ក៏ត្រូវ​តែមាន​ភាពច្បាស់​លាស់ គឺ​មិនត្រូវ​ប្រកាន់​ថា កីឡាករ​រូប​ណា ជា​គ្នីគ្នា របស់ខ្លួន ហើយ​មិន​បង្ក​ឲ្យ​មានការ​លម្អៀង ក្នុងការ បំពេញភារកិច្ច​នោះឡើយ​។ សហព័ន្ធ នឹងដាក់​ពិន័យ ចំពោះ​អាជ្ញាកណ្ដាល ចៅក្រម​រូប​ណា ដែល​បំពេញការងារ ដោយ​គ្មាន ភាពស្មោះត្រង់ ៕/V​-PC