ដោយៈ ប​.​ជ័យ / បន្ទាយ​មាន​ជ័​យៈ លោក ស៊ិ​ញ ឈិ​ញ ប្រធាន​គណៈកម្មការ ទ្រទ្រង់ វិទ្យាល័យ​ភ្នំស្រុក លោកស្រី ស៊ិ​ញ យឹ​ក​ឃួ​យ នាយិកា​ក្រុមហ៊ុន ម៉ូតូ​ហុងដា ស៊ិ​ញ ឈិ​ញ ប្រចាំ​ស្រុក​ភ្នំស្រុក លោក ស៊ិ​ញ វុទ្ធី អ្នកជំនួញ​វ័យក្មេង នៅ​សហរដ្ឋអាមេរិក និង​ជា អតីត​សិស្ស វិទ្យាល័យ​ភ្នំស្រុក បានផ្តល់​អំណោយ ម៉ូតូ​ពីរ​គ្រឿង សម្រាប់​សិស្ស​ជាប់​និទ្ទេស A ចំនួន ពីរ​នាក់ នៃ​សម័យ​ប្រឡង ថ្ងៃទី​២៧ ខែធ្នូ ឆ្នាំ​២០២១ កុំព្យូទ័រ ពីរ​គ្រឿង និង​ថវិកា ៣០០ ដុល្លារ ក្នុង​មួយ​នាក់ សម្រាប់​សិស្ស​ជាប់​និទ្ទេស B ចំនួន​ពីរ​នាក់ ។​

​ដោយឡែក លោក និង​លោកស្រី ក៏បានផ្ដល់​ថវិកា ជូន​គណៈ​គ្រប់គ្រង​សាលា និង​បុគ្គលិក ការិយាល័យ ចំនួន ប្រាំមួយ​នាក់ ក្នុង​មួយ​នាក់ ទទួលបាន ៥០ ដុល្លារ​អាម៉េរិក​។​

​ចំណែក​លោកគ្រូ ឡាយ សៀត ដែលជា​សប្បុរសជន​ម្នាក់ បាន​ឧបត្ថម្ភ​ថវិកា ផ្ទាល់ខ្លួន ដល់​សិស្ស​និទ្ទេស A ចំនួន ១០០ ដុល្លារ ក្នុង​មួយ​នាក់​។​

​នេះ​បើតាម​គណៈ​គ្រប់គ្រង វិទ្យាល័យ​ភ្នំស្រុក បានអោយដឹង កាលពី​ថ្ងៃទី​១១ ខែកុម្ភៈ ឆ្នាំ​២០២២ ។​

​សូម​រំលឹកថា លទ្ធផល​ប្រឡង​បាក់​ឌុប​សម័យ​ប្រឡង ថ្ងៃទី​២៧ ខែធ្នូ ឆ្នាំ​២០២១ នៅ​ខេត្តបន្ទាយមានជ័យ ឆ្នាំ​២០២១ ជាប់ ៦៣% ក្នុងនោះ បាន​និទ្ទេស A ចំនួន ៩៩ នាក់ (​ស្រី​៧០​នាក់​) ។​

​ការប្រឡង​សញ្ញាប័ត្រ​មធ្យមសិក្សា​ទុតិយភូមិ ឬ​បាក់​ឌុប​នោះ មាន ៧ មណ្ឌល ក្នុងនោះ ថ្នាក់​វិទ្យាសាស្ត្រ ៣ ម​ណ្ល​ល ថ្នាក់​វិទ្យាសាស្ត្រ​សង្គម ៤ មណ្ឌល ស្មើនឹង ១៩៩ បន្ទប់ ។​

​បេក្ខជន​ក្នុង​បញ្ជី ចំនួន ៤.៩៤៧ នាក់ (​ស្រី ២.៦៣៦ នាក់​) បេក្ខជន​មក​ប្រឡង ចំនួន ៤.៧១៤​នាក់ (​ស្រី ២.៥៤៤ នាក់​) ក្នុងនោះ បេក្ខជន​ប្រឡង​ជាប់ (​ចំណេះ​ទូទៅ ស្វៃរិន និង​បំពេញវិជ្ជា​) ចំនួន ២.៩៤៤ នាក់ (​ស្រី​១.៧៦១​នាក់​) គិត​ជា​ភាគរយ សរុប ៦២,៤៥% ។​

​លទ្ធផល​នេះ បង្ហាញថា និទ្ទេស A ចំនួន​៩៩​នាក់ (​ចំណេះ​ទូទៅ​) / ស្រី​៧០​នាក់ ។​
​និទ្ទេស B ២៥៧​នាក់ / ស្រី​១៧៧​នាក់ ។ C ចំនួន​៥៣៩​នាក់ /​ស្រី​៣១៩​នាក់ ។ D ចំនួន ៩៣៥​នាក់ / ៥៦១​នាក់ និង E ចំនួន ១.១១៤​នាក់ / ស្រី ៦៣៤ នាក់ ។ ចំពោះ និទ្ទេស​A នា​ឆ្នាំនេះ បាន​កើនឡើង​ខ្ពស់ ដល់ ៩៩ នាក់​។ បើ​ប្រើ​ប្រៀប ធៀប នឹង​ឆ្នាំ​សិក្សា ២០១៨-១៩ មានតែ​ចំនួន ២៥ នាក់ ៕/V​-PC