​ដោយៈ​ទេ​ពក​ង្រី​/​កំពង់ឆ្នាំង​: ប្រជាពលរដ្ឋ​ដែល​កំពុង​ជួប​ការខ្វះខាត​ចំនូ​ន​ប្រាំ​គ្រួសារ រស់នៅ​ភូមិ​ឧទ​ម្ព​រ ឃុំ​ស្វាយជ្រុំ ស្រុក​រលាប្អៀរ ខេត្តកំពង់ឆ្នាំង​នៅ​ព្រឹក​ថ្ងៃទី​១៣ ខែកុម្ភៈ ឆ្នាំ​២០២២ បានទទួល​អំណោយ​មនុស្សធម៌ ពី​ក្រុម​អ្នកជិះ​កង់​ខេត្តកំពង់ឆ្នាំង ។ នេះ​បើតាម​លោក សៀង ប៊ុន​ណាត ក្រុមប្រឹក្សាភិបាល និង​ជា​ស្ថាបនិក​មូលនិធិ​ក្រុម​កង់​កំពង់ឆ្នាំង​។​

​អំណោយ​ដែល​យកទៅ​ប្រគល់ជូន​នៅពេលនេះ​មាន អង្ករ ត្រីខ មី ទឹកត្រី ទឹកស៊ីអ៊ីវ ម៉ាស និង​ថវិកា​មួយចំនួន​។

​អំណោយ​ទាំងនេះ​បានមកពី​សមាជិក​រប​ស់​ក្រុម​អ្នកជិះ​កង់​ខេត្តកំពង់ឆ្នាំង និង​មួយចំណែក​ទៀត​បាន​ពី សម្ដេចចៅហ្វា​វាំង គង់ សំអុល ឧបនាយករដ្ឋមន្ត្រីរ​ដ្ឋ មន្ត្រី​ក្រសួងព្រះបរមរាជវាំង​លោក​បណ្ឌិតសភា​ចា​រ្យ អ៊ុក រ៉ាប៊ុន រដ្ឋមន្ត្រី​ក្រ ឮ​សួង​អភិវឌ្ឍន៍ជនបទ និង លោក​ស៊ុន សុ​វណ្ណា​រិ​ទ្ធិ អភិបាលខេត្ត​កំពង់ឆ្នាំង ។​

​មេភូមិ​ឧទ​ម្ព​រ ឃុំ​ស្វាយជ្រុំ​លោក ភុ​នភា​ន់ និង​ប្រជាពលរដ្ឋ បាន​ថ្លែងអំណរគុណ​យ៉ាង​ជ្រាលជ្រៅ ដល់​សប្បុរសជន និង​ថ្នាក់ដឹកនាំ​គ្រប់​ជាន់ថ្នាក់ ដែល​បាន​នាំ​អំណោយ​មក​ផ្តល់ជូន​ពួកគាត់​គ្រា​ដែល​កំពុង​ជួប​ការខ្វះខាត និង​សូម​ជូនពរ​ឱ្យ​ក្រុម​កង់ កំពង់ឆ្នាំង ព្រមទាំង សម្ដេច ឯកឧត្ដម ជួបប្រទះ​តែ​ពុទ្ធពរ​ទាំង​៤​ប្រការ​គឺ​អាយុ វណ្ណៈ សុ​ខៈ​និង​ពលៈ​កុំបី​ឃ្លៀងឃ្លាត​ឡើយ ៕​