ដោយៈ​ទេ​ពក​ង្រី​/​កំពង់ឆ្នាំងៈរយៈពេល​ពី​រ​សប្តាហ៍​នៃ​ខែកុម្ភៈ​នេះ​មន្ត្រី​នៃ​ដែនជម្រកសត្វព្រៃ របស់​មន្ទីរ​បរិស្ថាន​ខេត្តកំពង់ឆ្នាំង បាន​ចុះ​ឃាត់​គោយន្ត​កន្ត្រៃ​ដឹក​កូនឈើ និង​ឈើ​អារ ដោយ​ខុសច្បាប់​បាន ជាច្រើន​គ្រឿង និង ឧបករណ៍​ឆក់​ត្រី​រួមទាំង​អាវុធ​កែឆ្នៃ​បាញ់​សត្វព្រៃ​ជាច្រើន​ដើម​។​នេះ​បើ​យោងតាម​ការអះអាង​រប​ស់ម​ន្ត្រី​ដែនជម្រកសត្វព្រៃ​របស់​មន្ទីរ​បរិស្ថាន​ខេត្តកំពង់ឆ្នាំង​កាល​រសៀល​ថ្ងៃទី​១៣ ខែកុម្ភៈ ។​

​លោក ម៉ឹម ហ៊ីម មន្ត្រី​នៃ​មន្ទីរ​បរិស្ថាន​ខេត្តកំពង់ឆ្នាំង និង​ជា​ប្រធាន​គ្រប់គ្រង​ស្នាក់ការ​ដែនជម្រកសត្វព្រៃ​ចំនួន​បី​ក្នុង ស្រុក​ទឹកផុស​(​ស្នាក់ការ​ដែន​ជម្រក​ព្រៃ​ក្តុល​សែន​ជ័យ​, ស្នាក់ការ​ដែនជម្រកសត្វព្រៃ​ក្បាលទឹក និង​ស្នាក់ការ​ដែនជម្រកសត្វព្រៃ​ចម្ការ​ម៉ុ​ច )​បាន​ឲ្យ​ដឹងថា រយៈពេល​១៣ ថ្ងៃ​ចាប់ពី​ថ្ងៃទី​១ ដល់​ថ្ងៃទី ១៣ ខែកុម្ភៈ មន្ត្រី​ស្នាក់ការ​ដែនជម្រកសត្វព្រៃ បាន​ស្ទាក់ចាប់​គោយន្ត​ដឹក​កូនឈើ និង​ឈើ​អារ ជាច្រើន​គ្រឿង​ដែល​បានធ្វើ​សកម្មភាព ដឹកឈើ​ដោយ​ខុសច្បាប់​។ ក្រោយ​ការចាប់​ឃាត់ គឺ​បានធ្វើ​ការផាកពិន័យ​អន្តរកាល​។ ដោយឡែក​វត្ថុតាង មាន​កូនឈើ ឈើ​អារ​ជា​ក្តា​និង​ជា​គ្រឿង​បាន​រឹបអូស​ទុកជា​សម្បត្តិ​រដ្ឋ​។​ជាមួយគ្នានេះ​ក៏បាន​ដកហូត​នូវ​ឧបករណ៍​ឆក់​ត្រី​ចំនួន​មួយគ្រឿង ដែល​ជនល្មើស​បានធ្វើ​សកម្មភាព​ឆក់​ត្រី​តាម​ដងស្ទឹង​។ ដោយឡែក​អាវុធ​កែច្នៃ​ចំនួន​បួន​ដើម​ក្នុងនោះ​មួយ​ដើម ត្រូវបាន​ប្រជាពលរដ្ឋ​ភ្ញាក់រលឹក យកមក​ប្រគល់ឱ្យ​មន្ត្រី​ដែនជម្រកសត្វព្រៃ និង​បី​ដើម​ទៀត​ត្រូវ បានធ្វើ​ការដកហូត​ចេញពី​ជនល្មើស​ក្នុងពេលដែល​មន្ត្រី​ដែនជម្រកសត្វព្រៃ​កំពុង​ដើរល្បាត ក៏បាន​ប្រទះឃើញ​ជំរំ​ជនល្មើស​ដែល​ដេកចាំ​បាញ់​សត្វព្រៃ​។​ប៉ុន្តែ​ពេល​មន្ត្រី​ជំនាញ​ទៅដល់​ពួកគេ​បាន​រត់គេចខ្លួន​អស់ បន្សល់ទុក​តែ​វត្ថុតាង​តង់​កៅស៊ូ​បោះជំរំ​និង អាវុធ​កែឆ្នៃ​ចំនូ​ន​បី​ដើម ។

​លោក ម៉ឹង ហ៊ីម ក៏បាន​បញ្ជាក់​ដែរ​ថ រយៈពេល​ជិត​កន្លះ​ខែ​នៃ​ខែកុម្ភៈ​នេះ ក្រៅពី​ធ្វើ​សកម្មភាព​បង្ក្រាប មន្ត្រី​ជំនាញ ក៏​នៅមាន​បោះ​ស្លាក​សម្គាល់​ហាម​កាប់​ព្រៃ ហាម​បាញ់​សត្វព្រៃ ព្រមទាំង ចាក់​បង្គោលព្រំ​សម្គាល់​ដែនជម្រកសត្វព្រៃ​ចាប់ពី​ព្រំប្រទល់​ខេត្តកំពង់ស្ពឺ រហូតដល់​ខេត្តពោធិ៍សាត់​៕​សរន-PC