​ប្រែ​សម្រួលៈ​បំណង​/​សិង្ហ​បុរី​(​ដេល្លី​ម៉េល​)៖​ថ្លៃ​ប្រេង​បាន​ហក់​ឡើង​ដល់​កំពូល​កាលពី​ថ្ងៃ​ចន្ទ​ទី​១៤​កុម្ភៈ ដោយសារ​តែ​ការបារម្ភ​អំពី​ការចូល​ឈ្លានពាន​អ៊ុយ​ក្រែន​ពី​សំណាក់​កងកម្លាំង​រុស្ស៊ី ដែល​នឹង​នាំ​ដល់​​ការដាក់ទណ្ឌកម្ម​ពី​អាម៉េរិក​និង​សហភាព​អឺរ៉ុប ហើយ​នឹង​បញ្ហា​នាំចេញ​ប្រេង​រុស្ស៊ី​ទៅ​ក្រៅប្រទេស​។​

​ប្រេង​ផ្សារ​ប្រិន​(Brent)​នៅ​អាស៊ី​បាន​ឡើងដល់​៩៥,៧៣​ដុល្លារ​ក្នុង​មួយ​បារ៉ែល​(​ធុង​) ដោយ​កើន​១,២៩​ដុល្លារ បន្ទាប់ពី​បាន​ហក់​ឡើងដល់​៩៥,៩១​ដុល្លារ​នៅ​មុន​នេះ​បន្តិច​។ ប្រេង​ផ្សារ​WTI​របស់​អាម៉េរិក​បាន​​ឡើង​១,៤៩​ដុល្លារ ដល់​៩៤,៥៩​ដុល្លារ​ក្នុង​មួយ​បារ៉ែល​។​

​ការលើកឡើង​ឥត​ឈប់​ពី​អាម៉េរិក​និង​សម្ពន្ធមិត្ត​អង់គ្លេស​អំពី​ការវាយប្រហារ​ឆាប់ៗ​មួយ​ដោយ​ទាហាន​រុស្ស៊ី​ចូល​អ៊ុ​យក្រែន ក៏​បាន​អង្រួន​ទីផ្សារ​ហិរញ្ញវត្ថុ​ពិភពលោក​។​

​អាម៉េរិក​បានប្រកាស​កា​លពី​ថ្ងៃអាទិត្យ​ថា រុស្ស៊ី​អាច​ចូល​ឈ្លានពាន​អ៊ុយ​ក្រែន​នៅពេល​ណា​មួយ​ក្នយងពេល​ឆាប់ៗ​បំផុត​និង​អាចបង្កើត​លេស​ដ៏​ភ្ញាក់ផ្អើល​ណាមួយ​ដើម្បី​ចូលលុកលុយ​ប្រទេស​ក្បែរ​ខាង​​អ៊ុ​យក្រែន​។​

​អេ​ដ​វឺ​ត ម៉ូ​យ៉ា អ្នកវិភាគ​នៅ​ក្រុមហ៊ុន​OANDA​បាន​និយាយថា​« ប្រសិនបើ​…​ការ​ចល័ត​ទ័ព​កើតឡើង ប្រេង​Brent​មុន​ជា​ឡើង​លើ​១០០​ដុល្លារ​។​ថ្លៃ​ប្រេង​នៅ​ប្រែ​ប​ប្រួល​ខ្លាំង​និង​ងាយ​នឹង​រង​ឥទ្ធិពល​សភាព​​ការ​អ៊ុ​យក្រែន​»​។​

​ពួក​វិនិយោគិន​ក៏​កំពុង​តាមដាន​កិច្ច​ពិភាក្សា​រវាង​អាម៉េរិក​និង​អ៊ីរ៉ង់ ស្តី​ពី​ការសង្គ្រោះ​កិច្ចព្រមព្រៀង​នុយក្លេអ៊ែរ​ឆ្នាំ​២០១៥​។​ទោះជា​យ៉ាងណា មន្ត្រី​សន្តិសុខ​អ៊ីរ៉ង់​ម្នាក់​បាន​និយាយ​នៅ​ថ្ងៃ​ចន្ទ​នេះ​ថា​ការរីក​ចំ​​រើ​ន​ក្នុង​កិច្ចពិភាក្សា​កាន់តែ​ពិបាក​៕

​នៅ​អាម៉េរិក តំលៃ​ប្រេង​កាន់តែ​ហក់​ឡើង​កំពុង​ជំរុញ​អោយ​ក្រុមហ៊ុន​នានា​បង្កើន​ការ​បូម​ប្រេង និង​បន្ថែម​ការធ្វើ​អាជីវកម្ម​លើ​អណ្តូងប្រេង​ច្រើន​ទៀត​