​ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ មេដឹកនាំ​ហុងកុង​លោកស្រី ខា​រី ឡាំ (Carrie Lam)​បាន​និយាយ​កាលពី​ថ្ងៃ​ចន្ទ​ទី​១៤​កុម្ភៈ​ថា “​ការវាយលុក​” នៃ​រលក​កូវី​ដ​១៩​នៅក្នុង​មជ្ឈមណ្ឌល​ហិរញ្ញវត្ថុ​​ពិភពលោក​មួយ​នេះ បាន​ធ្វើឱ្យ​មាន​ផល​ប៉ះពាល់​យ៉ាងធ្ងន់ធ្ងរ​និង​បណ្តាលឱ្យ​បាក់ស្រុត​សមត្ថភាព​របស់​ខ្លួន​ក្នុង​ការដោះស្រាយ​ជាមួយ​នឹង​ជំងឺ​រាតត្បាត​ខណៈ​ករណី​ឆ្លង​ប្រចាំថ្ងៃ​បាន​កើនឡើង​ដល់​​កម្រិត​ខ្ពស់​បំផុត​។​

​មេដឹកនាំ​ហុងកុង​លោកស្រី ខា​រី ឡាំ

​ការឆ្លង​ប្រចាំថ្ងៃ​បាន​កើនឡើង​ចំនួន ១៣ ដង​ក្នុង​រយៈពេល​ពីរ​សប្តាហ៍​កន្លងមកនេះ ពី​ចំនួន​ប្រហែល ១០០ នាក់​នៅ​ដើមខែ​កុម្ភៈ​រហូតដល់​ជាង ១.៣០០ នាក់​នៅ​ថ្ងៃទី ១៣ ខែ​កុម្ភៈ​ដោយ​អាជ្ញាធរ​​កំពុង​ព្យាយាម​យ៉ាង​លំបាក​ដើម្បី​គ្រប់គ្រង​ការ​ផ្ទុះ​ឡើង​កាន់តែ​ខ្លាំង​នេះ​។​

​លោកស្រី​ឡាំ​បាន​និយាយថា រដ្ឋាភិបាល​របស់​លោក​ស្រី​នឹង​សម្របសម្រួល​ជាមួយ​មន្ត្រី​ចិន​ដើម្បី​ដោះស្រាយ “​ស្ថានការណ៍​កាន់តែ​ធ្ងន់ធ្ងរ​នេះ​”​បន្ទាប់​ពី​ចិន​បាន​និយាយថា​ខ្លួន​នឹង​ជួយ​ទីក្រុង​នេះ​​ក្នុងការ​ធ្វើតេស្តិ៍ ការព្យាបាល និង​ការធ្វើ​ចត្តា​ឡី​ស័ក​។​

​លោក​ស្រី​និយាយថា “​ការវាយលុក​នៃ​រលក​ទី​ប្រាំ​នៃ​ជំងឺ​រាតត្បាត​បានធ្វើឱ្យ​មានកា​រ​ប៉ះទង្គិច​យ៉ាងធ្ងន់ធ្ងរ​ដល់​ទីក្រុង​ហុងកុង និង​នាំឱ្យ​បាក់ស្រុត​សមត្ថភាព​គ្រប់គ្រង​ជំងឺ​របស់​ទីក្រុង​” ដោយ​បន្ថែម​ថា ការកើនឡើង​ករណី​ឆ្លង​នេះ​បាន​ធ្វើឱ្យ​មាន​ការ​បន្លាយ​ពេល​យូរ មុន​ពេល​អ្នកជំងឺ​អាច​បាន​ចូល​ទៅ​កាន់​កន្លែង​ធ្វើ​ចត្តា​ឡី​ស័ក​។​

​លោកស្រី​និយាយ “​ស្ថានការណ៍​គឺ​មិន​សមប្រកប​នោះទេ ហើយ​រដ្ឋាភិបាល​មាន​អារម្មណ៍​ព្រួយបារម្ភ​និង​សោកស្ដាយ​ចំពោះ​វា​”​។​

​លោក​ស្រី​និយាយថា ក្រុមមន្ត្រី​កំពូល​របស់​លោក​ស្រី​នឹង​សម្របសម្រួល​ជាមួយ​រដ្ឋាភិបាលកណ្តាល ដើម្បី​បង្កើន​កន្លែង​ធ្វើតេស្តិ៍ និង​កន្លែង​ធ្វើ​ចត្តា​ឡីស័​កនៅ​ហុងកុង ព្រមទាំង​ធានា​ឱ្យបាន​នូវ​ប្រភព​ធនធាន​ពី​ឧបករណ៍​តេ​ស្តិ៍រ​ហ័សនិង​ឧបករណ៍​ការ​ពា​រដល់​បន្លែ​ស្រស់​។​

​អាជ្ញាធរ​បាន​និយាយថា ទឹកដី​ចិន​នេះ​បាន​រាយការណ៍​ករណី​ឆ្លង​ថ្មី​ចំនួន ១.៣៤៧ នាក់​កាលពី​ថ្ងៃអាទិត្យ ដែល​ធ្លាក់​ចុះ​ពី​កំណត់ត្រា​កាលពី​ថ្ងៃ​សៅរ៍ ប៉ុន្តែ​ការសង្ស័យ​ឆ្លង​បន្ថែម ២.០០០​នាក់​ទៀត​បាន​​គំរាមកំហែង​ដល់​ប្រព័ន្ធ​ថែទាំ​សុខភាព ដែល​កំពុងតែ​ហួស​សមត្ថភាព​ស្រាប់​៕

​ចិន​សន្យា​ជួយ​ហុងកុង​ដោះស្រាយ​ការផ្ទុះកូ​វីដ​១៩​បច្ចុប្បន្ន​។​ក្នុង​រូប​អ្នកក្រុង​ហុងកុង​រង់ចាំ​ការធ្វើតេ​ស្តិ៍​រក​កូវី​ដ​១៩​ចំ​ពេល​ទីក្រុង​នេះ​ផ្ទុះ​កូវី​ដ​ខ្លាំង​