​ដោយៈ​ភ្នំ​សន្ទុក​/​កំពង់ធំៈ ដូ​ស​ជំរុញ នៃ​ដូ​ស​ទី​៤ មាន​សារៈប្រយោជន៍​ខ្លាំង ផ្តល់នូវ​សុខ សុវត្ថិភាព​ដល់​មនុស្ស​គ្រប់គ្នា មិន​ថា​មនុស្ស​ចាស់ ក្មេង​នោះទេ​។ លោក​សោម ស៊ុន មេបញ្ជាការ​តំបន់​ប្រតិបត្តិការ​សឹក​រង​កំពង់ធំ​បាន​ថ្លែង​បែបនេះ នា​ព្រឹក​ថ្ងៃទី​១៤ ខែកុម្ភៈ ឆ្នាំ​២០២២ ក្នុង​ការបើក​យុទ្ធនា​ការចាក់​វ៉ាក់សាំង​ការពារ​ជំងឺ​កូ​វីដ​១៩ ដូ​ស​ទី​៤ ប្រភេទ Pfizer ជូន​កងទ័ព អតីតយុទ្ធជន និង​គ្រួសារ​កងទ័ព​ទូទាំង​តំបន់​ប្រតិបត្តិការ​សឹក​រង​កំពង់ធំ យោធភូមិភាគ​ទី​៤ ចំនួន ជាង ៤.០០០ នាក់​។​

​លោក​ឧ​ត្ត​ម​សេនីយ៍​ទោ សោម ស៊ុន បាន​ណែនាំ​ដល់​យោធិន គ្រួសារ​យោធិន​និង​អតីតយុទ្ធជន​ទាំងអស់ ដែល​បាន អញ្ជើញ​មកចាក់​សាំង ត្រូវ​បន្ត​ការប្រុងប្រយ័ត្ន​ការពារ​ខ្លួន​បន្ថែមទៀត ដើម្បី​ជៀសផុត​ពី​ជំងឺ​កូ​វីដ​-១៩ ដោយ​ត្រូវអនុវត្ត នូវ​វិធានការ ៣​កុំ និង​៣​ការពារ ឱ្យបាន​ខ្ជាប់ខ្ជួន​៕​