​ប្រែ​សម្រួលៈ​បំណង​(​បាងកក​ប៉ុស្តិ៍​)៖​ក្រសួង​សុខាភិបាល​ថៃ​បាន​ប្រកាស​កាលពី​ព្រឹក​ថ្ងៃ​អង្គារ​ទី​១៥​កុម្ភៈ​នេះ​ថា មនុស្ស​១៤.៣៧៣​នាក់​ទៀត​បាន​ឆ្លងកូវី​ដ​១៩ និង​អ្នកជំងឺ​កូវី​ដ​ចំនួន​២៧​នាក់​បាន​ស្លាប់​​នៅ​២៤​ម៉ោង​កន្លងទៅ បន្ទាប់​ពី​១៤.៩០០​នាក់​បាន​ឆ្លង​កាល​ពី​មួយ​ថ្ងៃមុន​។​

​គិត​ចាប់តាំងពី​ពេល​ចាប់ផ្តើម​លេច​ជំងឺឆ្លង​សកល​នេះ​តាំងពី​ដើម​ឆ្នាំ​២០២០​មក ថៃ​បាន​រកឃើញ​អ្នក​ឆ្លង​សរុប ២.៦២៣.៥៨២​នាក់ តែ​២.៤៦៧.០៥៥​នាក់​បាន​ជាសះស្បើយ​និង​២២.៤៨៩​នាក់​បាន​​ស្លាប់​។​

​ទោះ​ជា​ចំនួន​ឆ្លង​បច្ចុប្បន្ន​នៅ​ខ្ពស់ ជាពិសេស​នៅ​ក្រោយពេល​បុណ្យ​ចូល​ឆ្នាំ​ចិន ក៏​ក្រុម​ការងារ​កូ​វីដ​រដ្ឋាភិបា​ល​រំពឹង​ថា​វា​ចាប់ផ្តើម​ធ្លាក់ចុះ​។​

​កាលពី​ថ្ងៃ​សៅរ៍​ថៃ​បាន​ប្រកាស​រកឃើញ​អ្នក​ឆ្លង​ថ្មី​១៦.៣៣០​នាក់​នៅ​២៤​ម៉ោង​កន្លងទៅ បន្ទាប់​មក​ថ្ងៃអាទិត្យ ១៥.៨៨២​នាក់ ថ្ងៃ​ចន្ទ​១៤.៩០០​នាក់​និង​ថ្ងៃ​អង្គារ​នេះ ១៤.៣៧៣​នាក់​។​

​អ្នកនាំពាក្យ​មជ្ឈមណ្ឌល​គ្រប់គ្រង​កូវី​ដ​១៩​ថៃ លោកស្រី​អា​ពីសា​ម៉ា​យ ស្រ៊ី​រ៉ាង​សន​(Apisamai Srirangson)​បាន​និយាយថា ទស្សនវិស័យ​កូវី​ដ​១៩​សំរាប់​ថៃ​វិជ្ជមាន​នៅ​ពេល​ចំនួន​ឆ្លង​ថេ​រហើយ​​ធ្លាក់ចុះ​នៅ​សប្តាហ៍​នេះ​។​វា​ឆ្លើយតប​ទៅ​នឹង​និន្នាការ​សកល​ដែល​ការឆ្លង​និង​ស្លាប់​ដោយកូវី​ដ​១៩​ធ្លាក់ចុះ​ទូទៅ​។​

​សូមបញ្ជាក់​ថា​ក្នុង​ការ​ឆ្លងកូវី​ដ​១៩​នៅ​ថ្ងៃ​នាពេល​បច្ចុប្បន្ន វីរុស​អូ​មី​ក្រុង​តំណាងអោយ​៨០​ភាគរយ​នៃ​ការឆ្លង​ថ្មីៗ​នៅក្នុង​ប្រទេស​ថៃ និង​នៅ​សល់​ពី​នេះ​គឺ​វីរុស​ដែល​តា​៕

​បុគ្គលិក​សុខាភិបាល​ធ្វើតេស្តិ៍​រក​កូវី​ដ​១៩​នៅ​ផ្សារ​មួយ​ក្នុង​ខេត្ត ណា​ខន រ៉ា​ត​ចា​សី​ម៉ា​កាលពី​ថ្ងៃ​១០​កុម្ភៈ​