​ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ ក្រុម​តា​លី​បង់​បាន​និយាយ​កាលពី​ថ្ងៃ​ចន្ទ​ទី​១៤​កុម្ភៈ​ថា អា​ហ្វ​ហ្គានី​ស្ថាន​នឹង​ត្រូវ​បង្ខំចិត្ត​ពិចារណា​ឡើងវិញ​នូវ​គោលនយោបាយ​របស់​ខ្លួន​ចំពោះ​សហរដ្ឋ​អាម៉េរិក លុះត្រាតែ​ទីក្រុង​វ៉ាស៊ីនតោន​ដកចេញ​នូវ​ការសម្រេចចិត្ត​ក្នុងការ​បង្កក​ទ្រព្យសម្បត្តិ​របស់​ប្រទេស​សម្រាប់​ជា​សំណង​ដល់​ជនរងគ្រោះ​នៃ​ការវាយប្រហារ​ថ្ងៃទី​១១​កញ្ញា​។​

​ប្រធានាធិបតី​អាម៉េរិក​លោក ចូ បៃ​ដិន កាលពី​សប្តាហ៍​មុន​បាន​រឹបអូស​ទ្រព្យសម្បត្តិ ៧ ពាន់​លាន​ដុល្លារ​ដែល​ជា​កម្មសិទ្ធិ​របស់​រដ្ឋាភិបា​លអា​ហ្វ​ហ្គានី​ស្ថានមុន​ក្នុង​គោលបំណង​បែងចែក​មូលនិធិ​រវាង​សំណង​​សម្រាប់​ជនរងគ្រោះ​នៃ​ការវាយប្រហារ​ថ្ងៃទី ១១ ខែ​កញ្ញា​ឆ្នាំ ២០០១ លើ​សហរដ្ឋ​អាម៉េរិក និង​ជំនួយ​ដែល​ត្រូវការ​យ៉ាង​ខ្លាំង​សម្រាប់​ប្រទេស​អា​ហ្វ​ហ្គានី​ស្ថានក្រោយ​សង្គ្រាម​។​

​ចំណាត់ការ​នេះ​បាន​ទាក់ទាញ​ការឆ្លើយតប​យ៉ាង​ខឹងសម្បា​ពី​មេដឹកនាំ​តា​លី​បង់​ថ្មី​របស់​ប្រទេស​នេះ ដែល​ចាត់ទុក​ការ​រឹបអូស​នេះ​ថា​ជា “​ចោរកម្ម​” និង​ជា​សញ្ញា​នៃ “​ការ​ពុកផុយ​ខាង​សីលធម៌​”​របស់​​សហរដ្ឋ​អាម៉េរិក​។​

​សេចក្តីថ្លែងការណ៍​កាល​ពី​ថ្ងៃ​ចន្ទ ដែល​ចុះហត្ថលេខា​ដោយ​អ្នកនាំពាក្យ​រង​លោក អ៊ី​ណា​មូល​ឡា សា​ម៉ាន​ហ្គានី (Inamullah Samangani) បាន​និយាយថា “​ការវាយប្រហារ ៩/១១​មិន​មាន​ជាប់​ពាក់​​ព័ន្ធ​ជាមួយ​អា​ហ្វ​ហ្គានី​ស្ថានទេ​”​។​

​សេចក្តីថ្លែងការណ៍​បាន​បន្ថែមថា​”​រាល់​ការ​រឹបអូស​ទ្រព្យសម្បត្តិ​របស់​ប្រជាជន​អា​ហ្វ​ហ្គានី​ស្ថានក្រោម​លេសនៃ​ឧបទ្ទវហេតុ​នេះ​គឺជា​ការរំលោភ​យ៉ាង​ច្បាស់លាស់​នៃ​កិច្ចព្រមព្រៀង​ដែល​បាន​សម្រេច​ជាមួយ​​រដ្ឋ​អ៊ីស្លាម​អេ​មី​រ៉ា​ត​អា​ហ្វ​ហ្គានី​ស្ថាន​”​។​

“​ប្រសិនបើ​សហរដ្ឋ​អាម៉េរិក​មិន​ងាក​ចេញពី​ជំហរ​របស់​ខ្លួន ហើយ​បន្តសកម្មភាព​បង្កហេតុ​របស់ខ្លួន​នោះ​រដ្ឋ​អ៊ីស្លាម​អេ​មី​រ៉ា​ត​អា​ហ្វ​ហ្គានី​ស្ថាន​នឹង​ត្រូវ​បង្ខំចិត្ត​ពិចារណា​ឡើងវិញ​នូវ​គោលនយោបាយ​របស់​​ខ្លួន​ចំពោះ​ប្រទេស​នេះ​ផងដែរ​”៕

​អា​ហ្វ​ហ្គានី​ស្ថាន​កំពុង​ស្ថិត​ក្នុង​វិបត្តិ​សេដ្ឋកិច្ច ចំ​ពេល​អាម៉េរិក​បង្កក​ទ្រព្យសម្បត្តិ​