​ប្រែ​សម្រួលៈ​បំណង​(CGTN,​ដេល្លី​ម៉េល​)៖ ប្រជាជន​អ៊ុយ​ក្រែន​បាន​ជ្រើសរើស​អ្នកកំប្លែង​ម្នាក់​អោយ​ធ្វើជា​ប្រធានាធិបតី តែ​អាម៉េរិក​បានជ្រើសរើស​ប្រធានាធិបតី​ម្នាក់​អោយ​ដើរតួ​ជា​«​ត្លុក​កំប្លែង​»​ម្នាក់​ទៅ​​វិញ នេះ​បើ​តាម​ទស្សនៈ​របស់​សារព័ត៌មាន​រដ្ឋ​ចិន​CGTN​។​

​សារព័ត៌មាន​ខាង​លើ​បាន​និយាយថា មើល​ទៅ​ទាំង​រុស្ស៊ី​និង​អ៊ុយ​ក្រែន​មិន​ចង់​ចាប់ផ្តើម​ធ្វើ​សង្គ្រាម​អី​មួយ​ទេ សូម្បី​តែ​អឺរ៉ុប តែ​អាម៉េរិក​បាន​លេងល្ខោន​តែង​ឯង​អស់​ប៉ុន្មាន​ថ្ងៃ​មកនេះ​ដូចជា​បិទ​-​រើ​ស្ថាន​​ទូត បញ្ជូន​ទ័ព​និង​ផ្សព្វផ្សាយ​ព័ត៌មាន​ចារកម្ម​គ្មាន​ការបញ្ជាក់​ថា រុស្ស៊ី​នឹង​ចូល​ឈ្លានពាន​អ៊ុយ​ក្រែន​នៅ​ថ្ងៃ​ពុធ​ស្អែក​។​

​គោលដៅ​របស់​អាម៉េរិក​គឺ​ច្បាស់​ណាស់ ៖ ពង្រីក​ភាព​តានតឹង​អំពី​បញ្ហា​អ៊ុយ​ក្រែន​នាំ​អោយ​ទីផ្សារ​បារម្ភ​ជ្រួលច្របល់​ហើយ​លុយ​ហូរ​ចេញពី​អឺរ៉ុប​ទៅកាន់​អាម៉េរិក​ដើម្បី​បន្ធូរបន្ថយ​អតិផរណា​ដែល​កំពុង​កើន​​ឡើង​របស់​ខ្លួន និង​គោលដៅ​ធំ​មួយ​ទៀត​បញ្ជូន​ទ័ព​និង​សព្វាវុធ​មកកាន់​អឺរ៉ុប​ខាងកើត​។​

​សូមបញ្ជាក់​ថា អតិផរណា​អាម៉េរិក​ឡើង​ជិត​៧,៥​ភាគរយ ជា​កំរិត​ខ្ពស់​បំផុត​ក្នុង​រយៈពេល​៤០​ឆ្នាំ​មកនេះ ចំ​ពេល​មាន​វិបត្តិ​ខ្សែសង្វាក់​ផ្គត់ផ្គង់ និង​ជំងឺ​ឆ្លងកូវី​ដ​១៩ ។​ល​។​

​ការលើកឡើង​របស់​អាម៉េរិ​កហាក់​គ្មាន​មូលដ្ឋា​ននឹង​ជឿ ហើយ​បើ​២៤​ម៉ោង​ទៀត​រុស្ស៊ី​មិន​ចូលលុកលុយ​អ៊ុយ​ក្រែន​វា​នឹង​ជា​ការវាយ​សំពង​មួយទៀត​ទៅ​លើ​កេរ្តិ៍ឈ្មោះ​ដែល​កំពុង​ធ្លាក់ចុះ​ទាប​ស្រាប់​សំរាប់​​ចារកម្ម​អាម៉េរិក ក្រោយ​ការអះអាង​ខុស​នៅ​ឆ្នាំ​២០០៣​ដែលថា អ៊ីរ៉ាក់​មាន​សព្វាវុធ​មហា​ប្រល័យ ជា​លេស​សំរាប់​ចូលលុកលុយ​កំចាត់​សា​ដាំ ហ៊ូ​សេន​។​

​តើ​អាម៉េរិក​ចង់​ដោះដូរ​កេរ្តិ៍ឈ្មោះ​និង​កិត្តិយស​ជាតិ​ដើម្បី​បាន​ផល​ចំណេញ​ពី​សង្គ្រាម​និង​ការទម្លាក់​ថ្លៃ​ប្រាក់​អឺរ៉ូ​?​ចម្លើយ​នឹង​បង្ហាញ​ក្នុងពេល​មិន​យូរ​ទេ​។​

​រដ្ឋាភិបាល​វិមាន​ក្រឹម​ឡាំង​របស់​រុស្ស៊ី​កាលពី​ថ្ងៃ​ចន្ទ​បាន​អោយ​សញ្ញា​ថា ខ្លួន​ត្រៀម​បន្ត​កិច្ច​ពិភាក្សា​ជាមួយ​លោកខាងលិច​អំពី​បញ្ហា​ព្រួយបារម្ភ​អំពី​សន្តិសុខ​របស់​ខ្លួន ដែល​នាំ​ដល់​វិបត្តិ​អ៊ុយ​ក្រែ​នបច្ចុប្បន្ន ។​ការ​អោយ​សញ្ញា​ដូច្នេះ​ផ្តល់​ក្តីសង្ឃឹម​ថា​រុស្ស៊ី​អាច​មិន​ចូល​ឈ្លានពាន​ប្រទេស​ក្បែរ​ខាង​ខ្លួន​នៅ​ថ្ងៃស្អែក​ឬ​ក្នុងអំឡុងពេល​ប្រកួត​កីឡា​អូ​ឡាំ​ពិ​ច​ក្រុង​ប៉េកាំង​ដូច​អ្វី​ដែល​ចារកម្ម​និង​មន្ត្រី​កំពូល​អាម៉េរិក​​បាន​អះអាង​នោះទេ​៕

​ចាំ​មើល​តែ​រុស្ស៊ី​ចូល​ឈ្លានពាន​អ៊ុយ​ក្រែន​នៅ​ថ្ងៃ​ពុធ​ដូច​អាម៉េរិក​ឃោសនា​ដែរ​អត់​