​ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ ជ្រូក​ចិញ្ចឹម​ឈ្មោះ អែល​លី (Ellie)​បាន​រុលចូល​កៀ​កលោក វី​វើន ផ្លាត (Wyverne Flatt)​ពេល​គាត់​កំពុង​មើល​ទូរទស្សន៍​ហើយ​ពេល​ខ្លះ​វា​ក៏​ដេក​ផ្ងារ​ដើម្បី​​ឱ្យ​គាត់​អង្អែល​ពោះ​របស់​វា​។​

លោក​ផ្លាត​និយាយថា ជ្រូក​ញី​ទម្ងន់ ៥០ គីឡូក្រាម​នេះ​គឺជា សមាជិក​”​គ្រួសារ​” ព្រោះ​ជ្រូក​ពោរពេញ​ដោយ​ក្តីរំជើបរំជួល​មួយ​នេះ​បាន​ជួយ​គាត់​ឱ្យ​ហែល​ឆ្លង​ការ​លែងលះ​និង​ការស្លាប់​ម្តាយ​របស់​គាត់​។​

​ក្រុម​មន្ត្រី​នៅ​ក្នុងភូមិ​កា​ណា​ចូ​ហារី (Canajoharie) របស់គាត់ មើលឃើញ​រឿងនេះ​ផ្ទុយ​គ្នា​ស្រឡះ​។ សម្រាប់​ពួកគេ ជ្រូក​គឺជា​សត្វ​កសិដ្ឋាន ដែល​លោក​ផ្លាត​យក​មក​ចិញ្ចឹម​ក្នុងភូមិ​ដោយ​ខុសច្បាប់​។​

​ករណី​នេះ​អាច​នឹង​ត្រូវ​បញ្ជូន​ទៅ​កាត់ទោស​ក្នុងពេល​ឆាប់ៗ​នេះ​។ ប៉ុន្តែ​រឿង​នេះ​បានទទួល​ការចាប់អារម្មណ៍​រួច​ទៅ​ហើយ​ពី​សំណាក់​អ្នក​ស្រឡាញ់​ជ្រូក ដែល​ជឿ​ថា​សត្វ​ជ្រូក​គួរតែ​ត្រូវបាន​គោរព​ច្រើន​​ជាង​នេះ​ក្នុងនាម​ជា​ដៃគូ​របស់​មនុស្ស​ជំនួស​ឱ្យ​គ្រាន់តែ​ជា​ប្រភព​អាហារ​។​

​ខណៈ​កំពុង​អង្អែល​ជ្រូក​នៅ​ក្នុង​ផ្ទះបាយ​របស់គាត់ លោក​ផ្លាត​បាន​និយាយ​កាលពី​ពេល​ថ្មីៗ​នេះ​ថា “​ខ្ញុំ​មិន​អាច​ស្រមៃ​ឃើញថា​នឹង​លះបង់​ឱ្យ​នរណា​ម្នាក់​នូវ​ផ្នែក​មួយ​នៃ​គ្រួសារ​របស់​ខ្ញុំ​ទេ​។​ជ្រូក​នេះ​ឆ្លាត​​ខ្លាំងណាស់​។ វា​ឆ្លាត​ជាង​ឆ្កែ​របស់​ខ្ញុំ​ទៅទៀត​។ ខ្ញុំ​គិតថា​វា​ចង់​ចូល​មក​កៀក​នឹង​អ្នក នៅ​ពេល​អ្នក​មាន​អារម្មណ៍​មិន​ល្អ ព្រោះ​វា​នឹង​ចង់​ចូល​មក​កៀក​ហើយ​ឱ្យ​អ្នក​បំបោ​ស​អង្អែល​វា​”​។​

​លោក​ផ្លាត​បាន​រស់​នៅក្នុង​រដ្ឋ​ខា​រ៉ូ​លីណា​ខាងត្បូង នៅពេល​ដែល​គាត់​ទទួលបាន​ជ្រូក​នេះ​នៅ​ឆ្នាំ​២០១៨​នៅពេល​ដែល​វា​មាន​ទំហំ​ប៉ុន​ស្បែកជើង​។​

​ជ្រូក​នេះ​បាន​មក​រដ្ឋ​ខា​រ៉ូ​លីណា​ភាគ​ខាងជើង​ជាមួយ​លោក​ផ្លាត​នៅ​ឆ្នាំ ២០១៩ នៅពេល​ដែល​គាត់​ផ្លាស់​ទីលំនៅ​ទៅកាន់​ភូមិ​កា​ណា​ចូ​ហារី ដែល​ជា​ភូមិតូច​មួយ​នៅ​ស្របតាម​ទន្លេ​ម៉ូ​ហាក់ (Mohawk) ដែល​គ្របដណ្តប់​ដោយ​អង្កាម​នៃ​រោងចក្រ​អាហារ Beech-Nut ចាស់​៕

​លោក​ផ្លាត​នឹង​មិន​ប្រគល់​ជ្រូក​ឱ្យ​ទៅ​នរណា​ទាំងអស់ ព្រោះ​វា​ជា​គ្រួសារ​របស់គាត់​