​ប្រែ​សម្រួលៈ​វាសនា​/​ហាណូយ​(ST,VnExpress)៖ ក្រសួង​ទេសចរណ៍​វៀតណាម​កាលពី​ថ្ងៃ​អង្គារ​ទី​១៥​កុម្ភៈ​បាន​ស្នើសុំ​បើក​ប្រទេស​ទាំង​ស្រុង​សំរាប់​ទេសចរ​បរទេស​និង​ដកចេញ​ការ​រឹតត្បិត​ទាំងអស់​​ចាប់ពី​ថ្ងៃ​១៥​មីនា​ទី គឺ​បី​ខែ​មុន​ផែនការ​។​

​សំណើ​ដែល​ត្រូវបាន​បញ្ជូនទៅ​នាយករដ្ឋមន្ត្រី​ដើម្បី​សុំ​ការអនុម័ត​យល់ព្រម ធ្វើឡើង​បន្ទាប់​ពី​មាន​ចំណាត់កា​របើក​ប្រទេស​ទទួល​ទេសចរ​បរទេស​ឡើង​វិញ​នៅ​ប្រទេស​អាស៊ី​អាគ្នេយ៍​ផ្សេងៗ ដូចជា​ថៃ​និង​ហ្វីលី​​ពី​ន កន្លែង​ដែល​វីរុស​អូ​មី​ក្រុង​កំពុង​វាយលុក​ខ្លាំង តែ​ចំនួន​អ្នកជំងឺ​ចូល​ដេកពេទ្យ​ទាប​និង​ការស្លាប់​ដោយ​ជំងឺ​នេះ​ក៏​ធ្លាក់ចុះ​។​

​សំណើ​រួម​មាន​ការ​រក្សាទុក​ការធ្វើ​ចត្តា​ឡី​ស័កតែ​មួយថ្ងៃសំ​រាប់​ភ្ញៀវ​ដែល​បាន​ធ្វើតេស្តិ៍​អវិជ្ជ​មាន​កូវី​ដ​១៩​មុន​ចេញដំណើរ និង​ពេលមកដល់​។​

​អាកាសចរណ៍​វៀតណាម​ត្រៀម​សំរាប់​ការបើក​ជើងហោះហើ​រ​សំរាប់​គ្រប់​ទីផ្សារ​ទាំងអស់​នៅ​យ៉ាងយូរ​ត្រឹម​ចុង​ខែ​មីនា​

​ខណៈ​ចង់​បើក​ប្រទេស​ទាំង​ស្រុង​ដើម្បី​ទទួល​ភ្ញៀវ​បរទេស វៀតណាម​កាលពី​ថ្ងៃ​អង្គារ​បានប្រកាស​រកឃើញ​អ្នក​ឆ្លងកូវី​ដ​១៩​ថ្មី​ច្រើន​បំផុត​ដែល​ប្រទេស​មួយ​នេះ​មិន​ដែល​ធ្លាប់​ជួប គឺ​៣១.៨១៤​នាក់ នាំអោយ​​ចំនួន​ឆ្លង​សរុប​កើនឡើង​ដល់​ជាង​២,៥៤​លាន​នាក់​និង​៣៩.១២៥​នាក់​ស្លាប់​។​

​ចំនួន​ឆ្លង​កាលពី​ថ្ងៃ​អង្គារ​កើនឡើង​ពី​រដង​ពី​ចំនួន​ឆ្លង​កាលពី​មួយ​សប្តាហ៍​មុន ហើយ​ទីក្រុង​ហាណូយ​នៅតែ​នាំមុខ​គេ​ជាមួយនឹង​អ្នក​ឆ្លង​៣.៩៧២​នាក់ បន្ទាប់​មក​ខេត្ត ហាយ​ហ្វឿង ១.៨០៧​នាក់ និង​ទី​​ក្រុង​ហា​ហ្វុយ​ក្បែរ​ខាង​ចំនួន ១.៤១៧​នាក់​។​

​សូមបញ្ជាក់​ថា ក្នុងចំណោម​ប្រជាជន​វៀតណាម​៩៦​លាន​នាក់ ជាង​៧៤,៧​លាន​នាក់​បាន​ចាក់​វ៉ាក់សាំង​កូវី​ដ​១៩​បាន​ពី​រដូស និង​ជាង​៣២​លាន​នាក់​បាន​ចាក់​ដូ​សទីបី​៕

​ចំនួន​ឆ្លងកូវី​ដ​១៩​នៅ​វៀតណាម​កើនឡើង​ទ្វេ​ធៀប​នឹង​មួយ​សប្តាហ៍​មុន​