​ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ នាយក​ប្រតិបត្តិ​ក្រុមហ៊ុន Tesla លោក អេ​ឡុន ម៉ាស បាន​បរិច្ចាគ​ភាគហ៊ុន​របស់​ក្រុមហ៊ុន​ប្រហែល ៥ លាន​ភាគហ៊ុន​ដែល​មាន​តម្លៃ​ប្រហែល ៥,៧ ពាន់​លាន​ដុល្លារ​ដល់​អង្គការ​សប្បុរ​ស​ធម៌​ដែល​មិន​បញ្ចេញ​ឈ្មោះ​កាលពី​ខែ​វិច្ឆិកា នេះ​បើ​យោង​តាម​ឯកសារ​ច្បាប់​មួយ​។​

​ឯកសារ​ទៅ​កាន់​គណៈកម្មកា​រមូល​ប​ត្រ​អាម៉េរិក​បាន​និយាយថា ភាគហ៊ុន​នេះ​ត្រូវ​បាន​បរិច្ចាគ​ពី​ថ្ងៃទី ១៩ ខែវិច្ឆិកា​ដល់​ថ្ងៃទី ២៩ ខែវិច្ឆិកា​។​

​កាលពី​ចុង​ខែ​តុលា លោក​ម៉ាស ដែល​ជា​មហាសេដ្ឋី​មាន​បំផុត​របស់​ពិភពលោក បាន​បង្ហោះ​សារ​លើ Twitter​ថា លោក​នឹង​លក់​ភាគហ៊ុន Tesla ចំនួន ៦ ពាន់​លាន​ដុល្លារ​ហើយ​ផ្តល់​ប្រាក់​ឱ្យទៅ​អង្គ​​ការ​កម្មវិធី​ស្បៀងអាហារ​ពិភពលោក​របស់​អង្គការសហប្រជាជាតិ (WFP) ប្រសិនបើ​អង្គការ​នេះ​អាច​ពណ៌នា​ពី​របៀប​ដែល​លុយ​នេះ​អាច​ជួយ​ដោះស្រាយ​បញ្ហា​អត់ឃ្លាន​លើ​ពិភពលោក​បាន​។ ប៉ុន្តែ​ឯកសារ​នេះ​មិន​បាន​ប្រាប់​ថា​អ្នក​ទទួល​ជានរ​ណា​នោះ​ទេ​។​

​លោក ដេវីត ប៊ី​ស្លី (David Beasley) ជា​នាយក​ប្រតិបត្តិ​អង្គការ WFP បាន​និយាយ​នៅក្នុង​សេចក្តីថ្លែងការណ៍​មួយ​កាលពី​ថ្ងៃ​អង្គារ​ថា អង្គការ​មិន​ទាន់​ទទួល​បាន​អ្វី​ពី​លោក​ម៉ាស​នៅឡើយ​ទេ​។ លោក​ប៊ី​ស្លីបា​ននិយាយថា “​មាន​មនុស្ស​រាប់លាន​នាក់​នៅ​ជុំវិញ​ពិភពលោក​កំពុង​ស្ថិត​ក្នុង​ភាពអត់ឃ្លាន​។ ថា​តើ​អង្គការ WFP បាន​ទទួល​ប្រាក់​ណាមួយ​ហើយ​ឬ​នៅ​នោះ គឺ​មិន​ទាន់​ដឹង​ទេ​ប៉ុន្តែ​ខ្ញុំ​ពិត​​ជា​រំភើប​ណាស់​ដែល​បាន​ទទួលដំណឹង​ថា លោក​ម៉ា​សបាន​ចូលរួមចំណែក​។ នេះ​គឺជា​ជំហាន​ដំបូង​ដ៏​អស្ចារ្យ​”៕

​នាយក​ប្រតិបត្តិ​ក្រុមហ៊ុន Tesla លោក អេ​ឡុន ម៉ាស