ប្រែ​សម្រួល : កញ្ញា​ដា​លី​ស (​ដេល្លីម៉េល​) ៖ តារាចម្រៀង​រី​​ណា​បាន​បើក​កកាយ​ឱ្យ​ដឹង​អំពី​ម៉ូត​សម្លៀក​បំពាក់​របស់​នាង​ពេល​មាន​ផ្ទៃពោះ បន្ទាប់ពី​មាន​ព័ត៌មាន​បែកធ្លាយ​កាលពី​ថ្ងៃទី ៣១ ខែ​មករា​ថា នាង​រំពឹង​មាន​កូន​ជាមួយ​មិត្ត​ប្រុស​ជា​តារា​ចម្រៀង​រ៉ែ​ប ឈ្មោះ អា​សាប រ៉ុក​គី (A$AP Rocky)​។​

​ជំនួស​ឱ្យ​រ៉ូ​បរលុងៗ​ដែល​ស្ត្រី​មាន​ផ្ទៃពោះ​ភាគច្រើន​ចូលចិត្ត នាង​ត្រូវបាន​គេ​ថតរូប​ក្នុង​ឈុត​រឹប​ទាក់ទាញ ដែល​បង្ហាញ​ពោះធំ​របស់​នាង​នៅ​លើ​គោក​។​

​នៅលើ​គណនី Instagram របស់​នាង​កាលពី​សប្តាហ៍​មុន​នាង​បាន​ចែករំលែក​រូបថត​របស់​នាង​ក្នុង​ឈុត​ពណ៌​ខ្មៅ​ទាំងស្រុង​ជាមួយនឹង​អាវ​សាច់​ក្រណាត់​ដែល​បង្ហាញ​ដើមទ្រូង​និង​ក្បាលពោះ​​ធំ​ទៅៗ​របស់​នាង និង មួយឈុត​ទៀត​ជាមួយនឹង​អាវ​វាល​ក​ដែល​ស្ទើរតែ​មិន​ជាប់​នឹង​ខ្សែ​ខាងមុខ​។​

​តារាចម្រៀង​វ័យ ៣៣ ឆ្នាំ និង​ជា​ស្ថាបនិក​នៃ​ម៉ាក​ផលិតផល​សម្រស់ Fenty Beauty រូបនេះ​បាន​និយាយ​នៅក្នុង​ព្រឹត្តិការណ៍ Fenty Beauty Universe ក្នុង​ទីក្រុង​ឡូ​ស​អ៊ែន​ជេ​ឡេស​កាលពី​ល្ងាច​ថ្ងៃ​សុក្រ ទី​១១ ខែ​កុម្ភៈ​ថា “​ខ្ញុំ​រីករាយ ដែល​មិន​ចាំបាច់​ព្រួយបារម្ភ​អំពី​ការបិទបាំង​ក្បាលពោះ​ធំ​របស់​ខ្ញុំ​”​។​

​នាង​បាន​ពាក់​អាវ​និង​ស្លៀកខោ ដែល​មើល​ទៅ​ដូច​ច្នៃ​ចេញពី​ខ្សែ ដែល​អាច​មើលឃើញ​ពោះធំ​របស់​នាង​។​

​នាង​បាន​បន្ថែមថា​វា​ជា “​ការសប្បាយ​” ប៉ុន្តែ​ក៏​ជា “​ការ​ប្រឈម​” ផងដែរ​ក្នុង​ការលេង​ម៉ូត​ផ្ទៃពោះ​ដូច្នេះ ព្រោះ​វា​បាន​ជួយ​នាង​ឱ្យ​មាន​ទំនុកចិត្ត​នាពេល​បច្ចុប្បន្ន​។​

​នាង​បាន​និយាយទៀតថា “​ឥឡូវនេះ ការ​មាន​ផ្ទៃពោះ​ពេលខ្លះ​អ្នក​មាន​អារម្មណ៍​ចង់​តែ​ដេក​លើ​សា​ឡុង​ពេញ​មួយ​ថ្ងៃ​ប៉ុណ្ណោះ​។ ប៉ុន្តែ​នៅ​ពេល​អ្នក​ផាត់មុខ​បន្តិច​និង​លាប​ក្រែ​មបន្តិច អ្នកនឹង​ផ្លាស់ប្តូរ​ភ្លាម​”៕

នាង​រី​ហា​ណា​មិន​បាន​ជ្រើសរើស​រ៉ូ​បរលុងៗ​ដូច​ស្ត្រី​មាន​ផ្ទៃពោះ​ភាគច្រើន​នោះ​ទេ​