​ប្រែ​សម្រួលៈ​បំណង​(​បាងកក​ប៉ុស្ត៍​)៖​ក្រសួង​សុខាភិបាល​បាន​ប្រកាស​កាលពី​ថ្ងៃ​ពុធ​ថា ថៃ​បាន​រកឃើញ​អ្នក​ឆ្លងកូវី​ដ​១៩​ថ្មី​ដល់​ទៅ​១៦.៤៦២​នាក់ ជា​ចំនួន​ឆ្លង​ប្រចាំថ្ងៃ​ខ្ពស់​បំផុត​ធៀប​នឹង​ចំនួន​ឆ្លង​​ប្រចាំ​ថ្ងៃ​ចាប់​តាំង​ខែសីហា​ឆ្នាំ​២០២១ និង​អ្នកជំងឺ​២៧​នាក់​ទៀត​បាន​ស្លាប់​នៅ​២៤​ម៉ោង​កន្លងទៅ​។​

​កាលពី​ថ្ងៃ​អង្គារ ថៃ​បាន​ប្រកាស​អ្នក​ឆ្លង​ថ្មី ១៤.៣៧៣​នាក់​។​

​ក្នុងពេល​ជាមួយគ្នា សាលាក្រុង​បាងកក​បានប្រកាសថា​មណ្ឌល​ចត្តា​ឡី​ស័ក​ក្នុងសហគមន៍​ច្រើន​ទៀត​នឹង​បើក​ឡើង​នៅ​ទូទាំង​ក្រុង​បាងកក​ដើម្បី​ដោះស្រាយ​កំណើន​នៃ​ការឆ្លង​ថេរ​ចាប់តាំងពី​ដើមឆ្នាំ​២០២២​មក​។​

​សូមបញ្ជាក់​ថា ក្រុង​បាងកក​នាំមុខ​គេ​ខាង​ចំនួន​ឆ្លង​និង​ស្លាប់​ដោយកូវី​ដ​១៩​ប្រចាំថ្ងៃ​។​ក្នុងចំណោម​ការឆ្លង​ថ្មី​ជាង​១៦.០០០​នាក់​ដែល​ត្រូវបាន​ប្រកាស​នៅ​ថ្ងៃនេះ ២.៨៩១​នាក់​នៅ​ក្រុង​បាងកក​​បន្ទាប់ពី​បាន​ឡើងដល់​៣.២៣៣​នាក់​កាលពី​ថ្ងៃ​សៅរ៍​៕

​អ្នកក្រុង​បាងកក​បន់ស្រន់​សុំ​សេចក្តីសុខ​កុំអោយ​ផ្ទុះ​កូវី​ដដល់​បិទ​ទីក្រុង​ជាថ្មី​