ដោយៈ​រ៉ា​ម៉ន​/​ភ្នំពេញៈ ក្រុមបាតុករ​អតីត​បុគ្គលិក​ក្រុមហ៊ុន​ណាហ្គា​វើ​លដ៍​ចំនួន​១៦​នាក់​ទៀត ត្រូវបាន​រកឃើញ​វិជ្ជមាន​កូ​វីដ​-១៩​។ នេះ​បើតាម​សេចក្តីជូនដំណឹង របស់​មន្ទីរ សុខាភិបាល​នៃ​រដ្ឋបាល​រាជធានី​ភ្នំពេញ​។​

​សេចក្តីជូនដំណឹង​បាន​បញ្ជាក់ថា នៅ​ថ្ងៃទី​១៦ កុម្ភៈ ២០២២ ក្រុមគ្រូពេទ្យ​មន្ទីរ​សុខ​ខា​ភិ​បាល​នៃ​រដ្ឋបាល​រាជធានី​ភ្នំពេញ បានធ្វើ​តេស្ត​យក​សំណាក​ដើម្បី​រក​មេរោគ​កូ​វីដ​-១៩ លើ​ក្រុមបាតុករ​អតីត​បុគ្គលិក និង​បុគ្គលិក​ណាហ្គា​វើ​លដ៍ លើក​ទី​២​ចំនួន​១៦៣​នាក់ ក្នុងចំណោម​ក្រុមបាតុករ​ដែល​បានមក​យក​សំណាក​ចាប់ពី​ថ្ងៃទី​០៥ ដល់ទី​០៧ កុម្ភៈ (​សរុប​ចំនួន​៨៩៧​នាក់​)​។ ជា​លទ្ធផល​គិត​ត្រឹម​ម៉ោង ១៧:០០ ល្ងាច​ថ្ងៃ​ដដែល ត្រូវបាន​រកឃើញថា​ចំនួន ១៦​នាក់ វិជ្ជមាន​កូ​វីដ​-១៩​។​

​មន្ទីរ​សុខាភិបាល​នៃ​រាជធានី​ភ្នំពេញ ក៏​ណែនាំ​ក្រុមបាតុករ និង​អ្នកពាក់ប័ន្ធ​ទាំងអស់​ដែល​ប៉ះពាល់​ផ្ទាល់​ជាមួយ​អ្នក​វិជ្ជមាន​កូ​វីដ​-១៩ ទាំង​១៦​នាក់ ត្រូវធ្វើ​ច​ត្តា​ឡី​ស័ក​រយៈពេល​០៧​ថ្ងៃ ដោយ​គោរព​ឱ្យបាន​ម៉ឺងម៉ាត់​តាម​វិធាន​សុខាភិបាល​៕​