​ដោយ​: សុវណ្ណ​កុម្ភៈ​/​ភ្នំពេញ​: ព្រឹត្តិការណ៍ AFF U-23 Championship នា​យប់​ថ្ងៃទី​១៦ កុម្ភៈ ដែលជា​ការប្រកួត​សម្រាប់​ពូ​ល C នោះ​ក្រុម​មកពី​ប្រទេស​បាន​យកឈ្នះ​ក្រុម​សឹង្ហ​បូរី​៣ ទល់​០ ។​

៤៥​នាទី​នៃ​តង់​ទី​១ ក្រុម​ទាំង​២​នេះ​ទទួលបាន​មួយ​គ្រាប់​ដូចគ្នា​តែ​មកដល់​តង់​ទី​២​ក្រុម​ប្រទេស​ថៃ​រកបាន​២​គ្រាប់​បន្ថែមទៀត​ក្នុង​ឯ​ក្រុម​សឹង្ហ​បូរី​រក្សាបាន​មួយ​គ្រាប់​ដដែល​។ ពូ​ល C ទើបតែ​លេង​បាន​មួយ​ប្រកួត​នេះ​ប៉ុណ្ណោះ ដោយ​ថៃ​រកបាន ៣ ពិន្ទុ​មុនគេ ចំពោះ​សឹង្ហ​បូរី​ពិន្ទុ​នៅ ០ នៅឡើយ ។​

​សម្រាប់​ថ្ងៃទី​១៧ កុម្ភៈ​នេះ ជាការ​ប្រកួត​សម្រាប់​ពូ​ល A ដោយ​ប្រ៊ុយណេ​ជួប​ជាមួយ​ទី​ម័​រ​ខាងកើត រីឯ​មួយ​ប្រកួត​ទៀត​ក្រុម​ហ្វី​លី​ពី​ន​ជួប​ជាមួយ​ក្រុម​ម្ចាស់ផ្ទះ​កម្ពុជា ។​

​ប្រ៊ុយណេ​ពិន្ទុ​នៅ ០ នៅឡើយ​ទេ បន្ទាប់​ពីមួយ​ប្រកួត​ដំបូង​របស់​ក្រុម​នេះ​លេង​ចាញ់​កម្ពុជា​០ ទល់​៦​នោះ ចំពោះ​ក្រុមទី​ម័​រ​ខាងកើត​មាន ១ ពិន្ទុ​ក្នុង​ដៃ​ដោយសារ​មួយ​ប្រកួត​ដំបូង​របស់គេ​លេង​ស្មើ​ហ្វីលីពីន ២​ទល់​២​នោះ​។ ក្រុម​ហ្វីលីពីន​ដែល​ត្រូវ​ប្រកួត​ជាមួយ​កម្ពុជា​វិញ​​នោះ​ក៏​ទើបតែ​មាន​១​ពិន្ទុ​ក្នុង​ដៃ​ដែរ បន្ទាប់ពី​ការប្រកួត​ដំបូង​របស់​ក្រុម​នេះ លេង​ស្មើ​ជាមួយ​ទី​ម័​រ​ខាងកើត​២​ទល់​២ សម្រាប់​ក្រុម​កម្ពុ​ជាមាន​៣​ពិន្ទុ​ក្នុង​ដៃ​ហើយ​។​

​សម្រាប់​ការប្រកួត​លើក​ទី​២​នេះ​កម្ពុជា​បាន​តាំងចិត្ត​រួចជាស្រេច​ហើយ​ថា​ត្រូវតែ​រក​ឲ្យ​បាន​៣​ពិន្ទុ​បន្ថែមទៀត​ដើម្បី​ប្រជែង​យក​កៅអី​សម្រាប់​វគ្គ​ពាក់កណ្ដាល​ផ្ដាច់ព្រ័ត្រ​។​សូម​ជូនពរ​ឲ្យ​ក្រុមយុវជន​អាយុ​ក្រោម​២៣​ឆ្នាំ​របស់​កម្ពុជា​ជួប​សំណាងល្អ​និង​ទទួលបាន​ជ័យជំនះ​នៅក្នុង​បេសកកម្ម​លើក​ទី​២​របស់ខ្លួន​នាយ​ប់​នេះ ៕​