ប្រែ​សម្រួលៈ​បំណង​(VnExpress)៖ ក្រសួង​សុខាភិបាល​វៀត​ណា​ម​កាលពី​យប់​ថ្ងៃ​ពុធ​បានប្រកាស​ការរកឃើញ​អ្នក​ឆ្លងកូវី​ដ​១៩​ថ្មី​ចំនួន​៣៤.៧២៣​នាក់​នៅ​៦៣​ខេត្ត​ក្រុង​។​

​ឆ្លង​ច្រើនជាងគេ​នៅ​ក្រុង​ហាណូយ គឺ​ចំនួន​៣.៨៨៨​នាក់ បន្ទាប់​មក​ខេត្ត​ភាគ​ខាងជើង ថា​យ ង្វៀន​(Thai Nguyen) ២.៤៩៧​នាក់ និង​ខេត្ត​ហាយ ហ្វឿង ១.៥៩៨​នាក់​។​

​នៅ​២៤​ម៉ោង​កន្លងទៅ អ្នកជំងឺ​កូវី​ដ​១៩​ចំនួន​៦៦​នាក់​ទៀត​ក៏​បាន​ស្លាប់ ក្នុងនេះ​១៥​នាក់​នៅ​ក្រុង​ហាណូយ ដែល​នាំ​អោយ​ចំនួន​ស្លាប់​ដោយកូវី​ដ​១៩​សរុប​នៅ​វៀតណាម​ឡើងដល់​៣៩.១៨៨​នាក់ ក្នុង​ចំ​​ណោម​អ្នក​កើតកូ​វីដ​១៩​ជាង​២,២៥​លាន​នាក់​។​

​សូមបញ្ជាក់​ថា​តាំងពី​មុន​មក ក្នុងចំណោម​ប្រជាជន​វៀតណាម​៩៦​លាន​នាក់ ៧៧,៥​ភាគរយ​បាន​ចាក់​វ៉ាក់សាំង​ពីរ​ដូសនិង​៣២,៤​លាន​នាក់​បាន​ចាក់​ដូ​សទីបី​៕

​នាយករដ្ឋមន្ត្រី​វៀតណាម សុំ​អោយ​ក្រុមហ៊ុនហ្វាយ​ហ្សឺ ( Pfizer)​រួសរាន់​បញ្ជូន​វ៉ាក់សាំង​២២​លាន​ដូស​ដើម្បី​ចាក់​អោយ​កុមារ​អាយុ​ប្រាំ​ដល់​១១​ឆ្នាំ​ពេល​វៀតណាម​ចាប់ផ្តើម​បើក​សាលារៀន​តាំងពី​បឋម​​សិក្សា​ឡើងវិញ​ក្រោយ​ផ្អាក​ការ​បង្វៀន​តាម​ថ្នាក់​ដោយផ្ទាល់​អស់​ប្រាំបួន​ខែ​