ដោយ​:​អង្គា​រ៍​ហេង​-​ចាន់តូ​/​ភ្នំពេញ​: បុរស​ម្នាក់​បាន​ស្ទុះ​រត់​ចូល​រថយន្ត​ខណៈ​កំពុង​ដើរ​តាមផ្លូវ​សុខៗ បណ្តាលឱ្យ​រថយន្ត​កិន​ស្លាប់​ភ្លាមៗ កាលពី​វេលា​ម៉ោង​ជិត​១២​ថ្ងៃត្រង់ ថ្ងៃទី​១៧ ខែកុម្ភៈ ឆ្នាំ​២០២២ នៅ​ផ្លូវ​បេតុង​ក្នុង​សង្កាត់​ចោមចៅ​ទី​៣ ខណ្ឌ​ពោធិ៍​សែន​ជ័យ រាជធានី​ភ្នំពេញ ។

​បុរស​រូបនោះ​ឈ្មោះ​ពៅ ពេជ្រ ភេទ​ប្រុស អាយុ​៣៧​ឆ្នាំ ស្នាក់នៅ​សង្កាត់​ចោមចៅ​ទី​៣ ខណ្ឌ​ពោធិ៍​សែន​ជ័យ ។

​ក្រោយ​កើតហេតុ​រថយន្ត​បាន​បន្តដំណើរ​ទៅមុខ​បាត់ស្រមោល ចំណែក​សព​ត្រូវបាន​សមត្ថកិច្ច​ទំនាក់ទំនង​ទៅ​ក្រុមគ្រួសារ​មក​ទទួលយក​ទៅធ្វើ​បុណ្យ​តាម​ប្រពៃណី​៕​