ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ បុរស​ជនជាតិ​តួ​ក​គី​ម្នាក់ ដែល​មាន​ជំងឺ​មហារីក​ឈាម បានសម្រេច​រឿង​មិន​គួរឱ្យ​ជឿ​ដោយ​ធ្វើតេស្តិ៍​វិជ្ជមាន​កូវី​ដ ៧៨ លើ​ក​ជាប់ៗ​គ្នា​ក្នុង​រយៈពេល ១៤ ខែ​នៅ​ក្នុង​អ្វី​ដែល​គេ​ជឿ​ថា​ជា​ឯតទគ្គ​កម្ម​ពិភពលោក​សម្រាប់​ការឆ្លង​កូ​វីដសកម្ម​យូរ​បំផុត​។​

​លោក មូ​ហ្សា​ហ្វ​ហ្វើ កាយ៉ា​សាន (Muzaffer Kayasan) អាយុ ៥៦ ឆ្នាំ​បាន​ចំណាយពេល ៤៤១ ថ្ងៃ​នៅ​ដាច់ដោយឡែក​ពី​គ្រួសារ​របស់គាត់​រួម​ទាំង​ចៅ​ស្រី​របស់​គាត់​ឈ្មោះ អា​ហ្សា​រ៉ា (Azra) ដែល​ត្រូវ​ស្នាក់នៅ​ក្នុង​សួនច្បារ​ពេល​ទៅ​លេង​ផ្ទះ​ល្វែង​របស់​គាត់​នៅ​ទីក្រុង​អ៊ី​ស្តង់​ប៊ុល​។​

​ជាធម្មតា អ្នក​ដែល​មាន​រោគសញ្ញា​កូវី​ដ​អាច​ធ្វើតេស្តិ៍​អវិជ្ជ​មាន​បន្ទាប់​ពីព្យាបាល​រយៈ​ពេល​ប្រហែល​៥​ថ្ងៃ ប៉ុន្តែ​សម្រាប់​លោក​កាយ៉ា​សាន គាត់​បាន​ចំណាយពេល ១៤ ខែ​ធ្វើតេស្តិ៍​វិជ្ជមាន​ជា​ប់រ​ហូត​។​

​វេជ្ជបណ្ឌិត​ជឿថា​គាត់​បាន​ធ្វើតេស្តិ៍​វិជ្ជមាន​វីរុស​កូរ៉ូណា​ជា​បន្តបន្ទាប់​ដោយ​សារ​តែ​ប្រព័ន្ធ​ភាពស៊ាំ​ចុះខ្សោយ​របស់គាត់​ពី​ជំងឺ​មហារីក​។​

​ទោះបី​ចេញ​ចូល​មន្ទីរពេទ្យ​តាំងពី​ខែ​វិច្ឆិកា​ឆ្នាំ ២០២០ ក៏ដោយ ក៏​ស្មារតី​របស់​លោក​កាយ៉ា​សាន​នៅតែ​ខ្ពស់​ហើយ​គាត់​នៅតែ​បន្ត​ប្រយុទ្ធប្រឆាំង​នឹង​ការ​ឆ្លងកូវី​ដ​ក្នុងពេល​ជាមួយគ្នា​នឹង​ការប្រ​​យុទ្ធ​ប្រឆាំងនឹង​ជំងឺមហារីក​ឈាម​ផងដែរ​។​

​នៅពេល​ដែល​គាត់​បានដឹងថា​ការធ្វើ​តេស្តិ៍ PCR ចុងក្រោយ​របស់​គាត់​គឺ​វិជ្ជមាន​ម្តងទៀត លោក​កាយ៉ា​សាន​បាន​និយាយ​កំប្លែង​លេង​កាលពី​សប្តាហ៍​មុន​ថា “​ខ្ញុំ​គិតថា​នេះ​គឺជា​កំណែ​ស្រី​(​ថ្មី​)​នៃ​កូវី​ដ​។ នាង​ច្បាស់​ជា​ឈ្លក់​វង្វេង​នឹង​ខ្ញុំ​ហើយ​មើលទៅ​”​។​

​លោក​កាយ៉ា​សាន ដែល​រស់នៅ​តែម្នាក់ឯង​ក្នុងផ្ទះ​ល្វែង​របស់​គាត់​អស់​រយៈពេល​ជាច្រើន​ខែ តែងតែ​មាន​គ្រួសារ​មក​សួរសុខទុក្ខ​ដោយ​គាត់​អាច​និយាយ​ទៅកាន់​ពួកគេ​បាន​តែ​តាមរយៈ​ទ្វារ​កញ្ចក់​​របស់​គាត់​ប៉ុណ្ណោះ​។​

​លោក​កាយ៉ា​សាន​បាន​ប្រាប់ចៅ​ស្រីរប​ស់​គាត់​ឈ្មោះ អា​ហ្សា​រ៉ា​តាមរយៈ​ម៉ាស់​បន្ទាប់​ពី​ហុច​ឱ្យ​នាង​នូវ​ទូរស័ព្ទ​ជ័រ​ក្មេង​លេង​ថា “​តា​នឹង​លេង​ជាមួយ​ចៅ នៅពេល​ដែល​តា​ជា​សះស្បើយ​”៕

​លោក មូ​ហ្សា​ហ្វ​ហ្វើ កាយ៉ា​សាន នៅតែ​តេស្តិ៍​វិជ្ជមាន​កូ​វីដ​ក្នុងរយៈពេល​១៤​ខែ​ចុងក្រោយ​នេះ