ដោយៈ​សុផល​/​ភ្នំពេញ​៖ ដោយ​មើលឃើញ​កំណើន​នៃ​ការទូទាត់​តាម​អន​ឡាញ ក្នុងចំណោម​អ្នកប្រើប្រាស់​នៅ​កម្ពុជា ធនាគារ ហ្វី​លី​ព ជា​ធនាគារពាណិជ្ជ​តែមួយគត់​នៅ ក្នុង​ប្រទេស​កម្ពុជា ដែលមាន​ម្ចាស់​គ្រប់គ្រង​ជា​ជនជាតិ​សិង្ហ​បុរី បាន​ចុះហត្ថលេខា​លើ​អនុស្សរណៈ​យោគយល់​គ្នា​ជាមួយ​ក្រុមហ៊ុន L192 ដែល​ផ្តល់ជូន​កម្មវិធី​ទិញ​ទំនិញ​អន​ឡាញ​ឈានមុខ​គេ​នៅ​កម្ពុជា​។

​ប្រារព្ធ​ឡើង​កាលពី​ថ្ងៃទី​១៧​ខែកុម្ភៈ​នៅ​ការិយាល័យ​កណ្តាល​របស់​ធនាគារ ហ្វី​លី​ព ស្ថិតនៅតាម​បណ្តោយ​មហាវិថី​ព្រះមុនីវង្ស កិច្ចសហការ​ក្នុង​ភាពជា​ដៃគូ​នេះ នឹង​អនុ ញ្ញាតឱ្យ​អតិថិជន​របស់​ធនាគា​រ ហ្វី​លី​ព ធ្វើការ​ទូទាត់​ការទិញ​ទំនិញ​ផ្សេងៗ ដែលមាន​នៅលើ​កម្មវិធី L192 ដោយ​ប្រើប្រាស់​គណនី​ធនាគារ ហ្វី​លី​ព ។​

​លោក Lee Yong Man សមាជិក​នៃ​ថ្នាក់ដឹកនាំ​ជាន់ខ្ពស់​របស់​ធនាគារ ហ្វី​លី​ព មានប្រសាសន៍ថា ភាពជា​ដៃគូ​នេះ បានបង្ហាញ​ពី​ចក្ខុវិស័យ​របស់​ធនាគា​រ ក្នុងការ​ធ្វើឱ្យ​ប្រសើរឡើង​នូវ​បទពិសោធន៍​ប្រើប្រាស់​សេវា​ធនាគារ​របស់​អតិថិជន តាមរយៈ​ប្រព័ន្ធ​ទូទាត់​បែប​ឌីជីថល និង​មិន​ប្រើប្រាស់​សាច់ប្រាក់ ដែលជា​មធ្យោបាយ​ដ៏​ងាយស្រួល​មួយ ជាពិសេស​ក្នុងអំឡុងពេល​រីក​រាលដាល​នៃ​ជំងឺ​កូ​វីដ​នេះ​។

​លោក Lee Yong Man បាន​មានប្រសាសន៍ថា “​ក្នុងនាម​ជា​ធនាគារ​ដែល​តែងតែ​យកចិត្តទុកដាក់​ចំពោះ​អតិថិជន យើង​តែងតែ​ចង់ឱ្យ​ពួកគេ​មាន​សុវត្ថិភាព​នៅក្នុង​ស្ថាន ភាព​នេះ​។ ទោះយ៉ាងណា​ក៏ដោយ យើង​ក៏​ចង់​ធ្វើឱ្យ​ប្រាកដថា អតិថិជន​ទាំងអស់ អាចធ្វើ​ប្រតិបត្តិការ​ប្រចាំថ្ងៃ​របស់​ពួកគេ បាន​យ៉ាង​ងាយស្រួល ដោយ​មិនមាន​ការព្រួយ បារម្ភ​អ្វី​ឡើយ​។​”

​លោក អ៊ិន វិចិត្រ នាយក​ប្រតិបត្តិ​នៃ​ក្រុមហ៊ុន L192 មានប្រសាសន៍ថា ភាពជា​ដៃគូ​នេះ គឺ​ស្របតាម​យុទ្ធសាស្ត្រ​របស់​ក្រុមហ៊ុន L192 សំដៅ​ទៅរក​ការទូទាត់​ដោយ​មិន​ប្រើ ប្រាស់​សាច់ប្រាក់ ១០០% និង​អាចឱ្យ​អតិថិជន L192 ដែលមាន​គណនី​ធនាគារ ហ្វី​លី​ព អាច​ទូទាត់​បាន​យ៉ាង​ងាយស្រួល និង​រីករាយ​ជាមួយ​ប្រូ​ម៉ូ​សិន​ពិសេស​ពី​ធនា គារ​ដែល​ពួកគេ​ចូលចិត្ត​។ L192 មាន​មោទនភាព​ក្នុងការ​ចាប់​ដៃគូ​ជាមួយ​ធនាគារហ្វី​លី​ពក្នុង​ការនាំយក​អត្ថប្រយោជន៍​ទាំងនេះ​ទៅកាន់​អតិថិជន​ដែលមាន​ស្រាប់​របស់​យើង​។

​ដើម្បី​អបអរសាទរ​ភាពជា​ដៃគូ ចាប់ពី​ថ្ងៃទី ២១ ខែកុម្ភៈ រហូតដល់​ថ្ងៃទី ២១ ឧសភា ឆ្នាំ ២០២២ អតិថិជន​ដែល​ទិញ​ទំនិញ​ពី​កម្មវិធី L192 ហើយ​ទូទាត់​ប្រាក់​តាមរយៈ​គណនី​ធនាគារ ហ្វី​លី​ព នឹង​ទទួលបាន​ទឹកប្រាក់​ត្រឡប់មកវិញ​រហូតដល់ ៣ ដុល្លារ​។ ការផ្តល់ជូន​នេះ​មាន​សម្រាប់​អតិថិជន​របស់​ធនាគា​រ ហ្វី​លី​ព ដែលមាន​ស្រាប់ ក៏ដូច ជា​អតិថិជន​កម្មវិធី L192 ដែល​ទើបតែ​បើក​គណនី​ជាមួយ​ធនាគារ​។

​ធនាគារ ហ្វី​លី​ព ផ្តល់ជូន​សេវាកម្ម និង​ផលិតផល​ហិរញ្ញវត្ថុ​ដ៏​សំបូរបែប តាម​តម្រូវការ​របស់ សាជីវកម្ម​ធំៗ សហគ្រាស​ខា្ន​ត​តូច​និង​មធ្យម និង បុគ្គល​។ ធនាគារ​គឺជា​សមា ជិក​នៃ PhillipCapital Group ដែលមាន​ទីស្នាក់ការ​ក​ណ្តា​ល​នៅ​ប្រទេស​សិង្ហ​បុរី ហើយ​ត្រូវបាន​បង្កើតឡើង​តាំងពី​ឆ្នាំ ១៩៧៥​។ ធនាគារ ហ្វី​លី​ព ភីអិលស៊ី ជា​ធនាគារ ពាណិជ្ជ​ធំ​មួយ​នៅ​កម្ពុជា ដែលមាន​ច្រើនជាង​៨០​សាខា​ទូទាំងប្រទេស​។​

L192 គឺជា​កម្មវិធី​ទិញ​ទំនិញ​អន​ឡាញ​ឈានមុខ​គេ​ក្នុងប្រទេស​កម្ពុជា​។ រកមើល​ផលិតផល​រាប់មិនអស់​ពី​ហាង​រាប់ពាន់​។ ការដឹកជញ្ជូន​នៅ​ថ្ងៃ​តែមួយ និង​ការគាំទ្រ​សេវា កម្ម​ដ៏​រឹងមាំ​។ ដឹកជញ្ជូន​ក្នុង​ក្រុងភ្នំពេញ​ក្នុង​រយៈពេល 1-2 ម៉ោង​។ អតិថិជន​អាច​ត្រឡប់​ផលិតផល​វិញ​ក្នុង​រយៈពេល ២៤ម៉ោង​។ ពួកគេ​ក៏មាន​ឱកាស​ឈ្នះ​រង្វាន់​ជាច្រើន​ក្នុង​ការចាប់​រង្វាន់ L192 ផងដែរ​៕Ph