ដោយ​: ភ្នំ​ខៀវ / បាត់ដំបងៈ មន្ត្រី​ជំនាញ​បាន​រកឃើញ​ពលករ​ខ្មែរ​ចំនួន​ពីរ​នាក់ វិជ្ជមាន​កូ​វីដ​- ១៩ ខណ​:​ជាច្រើន​នាក់​ទៀត​បាន​បញ្ជូន​ទៅកាន់​មណ្ឌល​ច​ត្តា​ឡី​ស័ក និង​អប់រំ ហើយ​ឲ្យ​វិលត្រឡប់​ទៅកាន់​លំនៅដ្ឋាន​វិញ​។​

​សមត្ថកិច្ច​បាន​ឲ្យ​ដឹងថា នៅ​ថ្ងៃទី​១៦ ខែកុម្ភ​: ឆ្នាំ ២០២២ កន្លងមកនេះ កម្លាំងចម្រុះ​ការពារ​គោលដៅ​តំបន់​ព្រំដែន បានទទួល​ពលករ​ខ្មែរ​ពី​ភាគី​ទាហាន​ថៃ​សរុប​ចំនួន ៣៧​នាក់ នៅត្រង់ចំណុច​ភូមិសាស្ត្រ ភូមិ​ពោធិ៍​ជ្រៃ ឃុំ​សិរី​មានជ័យ ស្រុក​សំពៅ​លូន ខេត្ត បាត់ដំបង​។ ក្នុងចំណោម​ពលករ​ទាំងអស់​ក្រុមគ្រូពេទ្យ​បាន​រកឃើញ​ពលករ​ស្ត្រី​ម្នាក់ ជាមួយ​កូនតូច​ម្នាក់ទៀត​វិជ្ជមាន​ជំងឺ​កូ​វីដ​-១៩ ត្រូវ​បញ្ជូនទៅ​មណ្ឌល​ដើម្បី​ព្យាបាល​។​

​ក្រៅពី​ពលករ​ដែល​វិជ្ជមាន​កូ​វីដ​-១៩ មន្ត្រី​ជំនាញ​ក៏បាន​ពិនិត្យ​លើ​ពលករ​ដែលមាន​កាត​ចាក់​វ៉ាក់សាំង​រួច​បាន​អប់រំ​ណែនាំ​រួចហើយ​អនុញ្ញាតិ​ឲ្យ​វិលត្រឡប់​ទៅកាន់​លំនៅដ្ឋាន​រៀងៗ​ខ្លួន​វិញ រីឯ​មួយចំនួនទៀត​បាន​បញ្ជូន​ទៅកាន់​មណ្ឌល​ធ្វើ​ច​ត្តា​ស័ក ដើម្បី​អនុវត្តតាម​វិធាន​សុខាភិបាល​៕​