​ដោយៈ សុផល / ភ្នំពេញៈ ក្រសួងទេសចរណ៍ និង​សហភាព​សហព័ន្ធ​យុវជន​កម្ពុជា សហការ​ជាមួយ មជ្ឈមណ្ឌល​កម្ពុជា ៤.០ បាន​បន្ត​រៀបចំ “​វគ្គ​បណ្ដុះបណ្ដាល អក្ខរកម្ម​ឌីជីថល ក្នុង​វិស័យ​ទេសចរណ៍​” សម្រាប់​មន្ត្រី បុគ្គលិក​ឯកជន ក្នុង​វិស័យ​ទេសចរណ៍ និង​សហគ្រិន​/​ម្ចាស់​អាជីវកម្ម ក្នុង​វិស័យ​ទេសចរណ៍ ក៏ដូចជា ភាគី​ពាក់ព័ន្ធ​នឹង​វិស័យ​ទេសចរណ៍​។

​វគ្គ​បណ្ដុះបណ្ដាល លើ​មុខវិជ្ជា​កុម្ម៉ង​តិ៍​មុខម្ហូប​ឌីជីថល E-Menu សម្រាប់​ភោជនីយដ្ឋាន និង​អាហារ​ដ្ឋា​ន​ទេសចរណ៍​នេះ សម្រាប់​យកទៅអនុវត្ត ដើម្បី​ជាការ​ចូលរួម​ទប់ស្កាត់ ការឆ្លង​រាលដាល នៃ​ជំងឺ​កូ​វីដ​-១៩ ជាពិសេស​វីរុស​បំប្លែង​ថ្មី ប្រភេទ​អូ​មី​ក្រុង (Omicron) ។ ការបណ្តុះបណ្តាល​នេះ ផ្ដោតទៅលើ​ការបង្កើត បញ្ជី​រាយ​មុខម្ហូប នៅលើ​ប្រព័ន្ធ​អន​ឡាញ ដើម្បី​ចូលរួម​កាត់បន្ថយ ការ​កាន់​បញ្ជី​ក្រដាស​ដោយ​ដៃ​ផ្ទាល់​។​

​វគ្គ​បណ្ដុះបណ្ដាល​នេះ ធ្វើឡើង​ដើម្បី​ឆ្លើយតប​ទៅនឹង​ការអំពាវនាវ របស់​រាជរដ្ឋាភិបាល ពិសេស សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជា​ណា ចក្រ​កម្ពុជា ក្នុង​ការបន្ត​ទប់ស្កាត់ ការឆ្លង​រាលដាល នៃ​ជំងឺ​កូ​វីដ​-១៩ ជាពិសេស​វីរុស​បំប្លែង ថ្មី ប្រភេទ​អូ​មី​ក្រុង (Omicron) នា​រយៈកាល​ចុងក្រោយ​នេះ​៕/V​