ដោយ : ប​.​ជ័យ / បន្ទាយមានជ័យ​:​នៅ​ថ្ងៃទី​១៧ ខែកុម្ភ​: ឆ្នាំ​២០២២​ស្នងការដ្ឋាន​នគរបាល​ខេត្តបន្ទាយមានជ័យ​បាន បើក​កិច្ចប្រជុំ​បន្ទាន់​មួយ ស្តីពី​ការផ្សព្វផ្សាយ អំពី​របៀប​ប្រើប្រាស់​ប្រព​ន្ធ័​គ្រប់គ្រង​វត្តមាន​ជនបរទេស​ក្នុង​ព្រះរាជា​ណា ចក្រ​កម្ពុជា​សម្រាប់​មន្ត្រី​នគរបាល និង​សម្រាប់​ម្ចាស់ ឬ​អ្នកកាន់កាប់​លំនៅដ្ឋាន នៅលើ​ទូរ​សព្ទ័​ដៃ (Foreigners present in Cambodia System(FPCS)​ដល់​លោក លោកស្រី​អធិការ អធិការរង ស្រុក​/​ក្រុង​ទាំង​ប្រាំបួន​និង​លោកនាយ​ប៉ុស្តិ៍ ទាំង​៦៥​ផងដែរ​។​

​លោក​ឧ​ត្ត​ម​សេនីយ​ត្រី អេង លី​ហួរ ស្នងការរង ទទួល​ផែន​ការងារ​គ្រប់គ្រង​ជនបរទេស​នៃ​ស្នងការដ្ឋាន​នគរបាល ខេត្តបន្ទាយមានជ័យ បានធ្វើ​បទ​បង្ហាញ​អំពី​ការបង្កើត​គណនី​(Account) លើ​ទូរ​សព្ទ័​នៃ​ប្រព​ន្ធ័​(FPCS)​ដល់​លោក​អធិការ អធិការរង​ទទួលបន្ទុក​និង​មេ​ប៉ុស្តិ៍​ទាំងអស់​ងាយស្រួល​ក្នុងការ​គ្រប់គ្រង​ជនបរទេស តាម​មូលដ្ឋាន​ដែល​ខ្លួន​គ្រប់គ្រង​។​

​នាឱកាស​នោះ លោក​ឧ​ត្ត​ម​សេនីយ៍​ទោ សិទ្ធិ ឡោះ ស្នងការ​នគរបាល​ខេត្តបន្ទាយមានជ័យ បាន​មានប្រសាសន៍ថា :​ការបង្កើត​ឲ្យ​មាន​ប្រព័ន្ធគ្រប់គ្រង​វត្តមាន​ជនបរទេស​នៅ​កម្ពុជា​(FPCS : Foreigners Present in Cambodia System ) ដើម្បី​ងាយស្រួល​ដល់​នគរបាល​ក្នុងការ​គ្រប់គ្រង ជនបរទេស និង​សន្តិសុខ​សណ្តាប់ធ្នាប់​សុវត្ថិភាព​សង្គម តាម​ប្រព​ន្ធ័​បច្ចេកវិទ្យា​៕​សរន​