​ប្រែ​សម្រួល : កញ្ញា​ដា​លី​ស (VnExpress) ៖ រដ្ឋមន្ត្រីការបរទេស​វៀតណាម​បាន​ស្នើ​ឱ្យ​ប្រទេស​សមាជិក​អាស៊ាន​ទទួលស្គាល់​លិខិតឆ្លងដែន​វ៉ាក់សាំង​របស់​គ្នា​ទៅវិញទៅមក​ដើម្បី​ជួយ​សម្រួល​ដល់​ការ​​ធ្វើដំណើរ​ឡើង​វិញ​និង​ការស្តារ​ឡើង​វិញ​ក្រោយ​កូវី​ដ​។​

​យោង​តាម​ក្រសួង​ការបរទេស​វៀតណាម​បាន​អោយដឹងថា រដ្ឋមន្ត្រី ប៊ូ​យ ថាញ់​សឺន (Bui Thanh Son)​បាន​ធ្វើ​សំណើ​នេះ​នៅក្នុង​កិច្ចប្រជុំ​រដ្ឋមន្ត្រីការបរទេស​អាស៊ាន (AMMR) ដែល​ប្រព្រឹត្ត​ទៅ​នៅ​ប្រទេស​កម្ពុជា​កាលពី​ថ្ងៃ​ពុធ​និង​ថ្ងៃ​ព្រហស្បតិ៍​។​

​លោក​ក៏​បាន​ស្នើ​ឱ្យ​អាស៊ាន​បន្ត​ដាក់ចេញ​នូវ​គំនិត​ផ្តួចផ្តើម​ឆ្លើយតប​នឹង​ជំងឺ​កូវី​ដ​១៩​ផងដែរ ដើម្បី​បន្ត​ការធ្វើដំណើរ និង​ការដឹកជញ្ជូន​ឡើងវិញ​សម្រាប់​ការ​ងើប​ឡើងវិញ​ក្រោយ​កូវី​ដខ​ណៈ​ពង្រឹង​សម​​ត្ថភាព​និង​ផ្ទេរប​ច្ចេក​វិជ្ជាក្នុង​ការត្រៀម​លក្ខណៈ​សម្រាប់​វិបត្តិ​នាពេល​អនាគត​ស្រដៀង​នឹង​កូវី​ដ​១៩​។​

​លោក​សឺ​ន​បាន​សង្កត់ធ្ងន់​បន្ថែមទៀត​អំពី​សារៈសំខាន់​នៃ​ការរក្សា​សន្តិភាព សុវត្ថិភាព និង​សន្តិសុខ​នៅលើ​សមុទ្រ​និង​នៅលើ​អាកាស ការគោរព​ច្បាប់​អន្តរជាតិ​និង​កិច្ចសហប្រតិបត្តិការ​អន្តរជាតិ ដើម្បី​ដោះស្រាយ​ហានិភ័យ​សន្តិសុខ ដូច​ជា​សន្តិសុខ​ដែនសមុទ្រ ការប្រែប្រួល​អាកាសធាតុ ការបំពុល និង​ហានិភ័យ​ផ្សេង​ទៀត​ដែល​បង្កឡើង​ដោយកូវី​ដ​១៩​។​

​កិច្ចប្រជុំ​នេះ​គឺជា​កិច្ចប្រជុំ AMMR លើកដំបូង​ដែល​ធ្វើឡើង​ដោយ​ផ្ទាល់​ក្នុង​អំឡុង​ឆ្នាំ​ដែល​កម្ពុជា​ធ្វើជា​ប្រធាន​អាស៊ាន​។​

​មុន​វិបត្តិកូ​វីដ​-១៩ ពលរដ្ឋ​អាស៊ាន​រីករាយ​នឹង​ការចូល​ប្រទេស​សមាជិក​ទាំងអស់​ដោយ​មិន​មាន​ទិដ្ឋាការ​។​

​ប្រទេស​ចំនួន ១៤ បាន​ទទួលស្គាល់​លិខិតឆ្លងដែន​វ៉ាក់សាំង​របស់​វៀតណាម ដោយ​មាន​តែ​កម្ពុជា​និង​ហ្វីលីពីន​ប៉ុណ្ណោះ​ជា​សមាជិក​អាស៊ាន​ដែល​មិន​ទទួលស្គាល់​។​

​វៀតណាម​ទទួលស្គាល់​លិខិតឆ្លងដែន​វ៉ាក់សាំង​នៃ​ប្រទេស​និង​ដែនដី​ចំនួន ៧៩ ដែល​ក្នុងនោះ​មាន​សមាជិក​អាស៊ាន ព្រុយ​ណេ កម្ពុជា ឥណ្ឌូនេស៊ី ឡាវ ម៉ាឡេស៊ី ហ្វីលីពីន សិង្ហ​បុរី ថៃ និង​ទីម័​រខាង​កើត ព្រមទាំង​សមាជិក​អាស៊ាន​មួយទៀត​គឺ​មី​យ៉ាន់​ម៉ា​៕

​កិច្ចប្រជុំ​រដ្ឋមន្ត្រីការបរទេស​អាស៊ាន​នៅ​ទីក្រុង​ភ្នំពេញ​កាលពី​ថ្ងៃទី​១៧​កុម្ភៈ ២០២២