​ដោយ​: សុវណ្ណ​កុម្ភៈ​/​ភ្នំពេញ​: ព្រឹត្តិការណ៍ AFF U-23 Championship 2022 ពូ​ល B ដែល​មានតែ​ពីរ​ក្រុម​ហើយ ទើបតែ​ចាប់ផ្ដើម​ការប្រកួត​នៅ ថ្ងៃទី​១៨ កុម្ភៈ​ម្សិល​ម៉ិ​ញ​នេះ លទ្ធផល​ពិតជា​ស្មាន​មិន​ដល់​មែន ។​
ឡាវ​ដែ​លេ​ពុំ​ធ្លាប់មាន​ប្រវត្តិ​ឈ្នះ​ក្រុម​ម៉ាឡេស៊ី​នោះ​សម្រាប់​លើក​នេះ​ក្រុម​ឡាវ​បាន​ទម្លាក់​ក្រុម​ខ្លាំង​មួយ​នេះ​បន្ទាប់ពី​ប្រកួត​រយៈ​​ពេល​៩០​នាទី​ក្រុម​ឡាវ​យកឈ្នះ​ក្នុង​លទ្ធផល​២​ទល់​១​។​

ក្រុម​ម៉ាឡេស៊ី​ជា​អ្នក​នាំមុខ​មុន​ក្នុងខណៈដែល​អ្នកទស្សនា​ទទួលស្គាល់ថា​ឡាវ​ពិតជា​ចាញ់ហើយ​ម៉ាឡេស៊ី ទំនងជា​មិន​ស៊ី​ឡាវ​​ច្រើន​នោះទេ​ព្រោះ​ពូ​ល​នេះ​មានតែ​២​ក្រុម​ហើយ​មាន​តែមួយ​ប្រកួត​ប៉ុណ្ណោះ​ដែល​មួយ​ប្រកួត​នេះ​ក្រុម​ណា​ឈ្នះ​ក្រុម​នោះ​នឹង​បាន​ឡើងទៅ​វគ្គ​៤​ក្រុម​ចុងក្រោយ ។​

​សូមបញ្ជាក់ថា​ដំបូង​ឡើយ​ពូ​ល B ក៏មាន​ក្រុម​ចំនួន​៤​នៅក្នុង​នោះ​ដូច​ពូ​ល A ដែរ​តែដោយសារ​ក្រុម ក្រុម​ឥណ្ឌូនេស៊ី​ដកខ្លួន​ថយ ឯ​មី​យ៉ាន់​ម៉ា​កីឡាករ​មួយចំនួន​រងគ្រោះ​ដោយសារ​កូ​វីដ​១៩ នោះ​ធ្វើ​ឲ្យ​ពូ​ល​នេះ​មានតែ​ពីរ​ក្រុម​ប៉ុណ្ណោះ​គឺ​ម៉ាឡេស៊ី​និង​ឡាវ​។ ពេលនេះ​ម៉ាឡេស៊ី​ត្រឡប់ទៅផ្ទះ​វិញ​ចំពោះ​ក្រុម​ឡាវ​រង់ចាំ​លេង​វគ្គ​ពាក់កណ្ដាល​ផ្ដាច់ព្រ័ត្រ​៕​