​ប្រែ​សម្រួលៈ​បំណង (BLOOMBERG)៖​ពួក​សេដ្ឋី​ជំនួញ​ហុងកុង​បាន​សន្យា​ចូលរួមចំណែក​ជួយ​ដោះស្រាយ​ការផ្ទុះ​ជំងឺ​កូវី​ដ​១៩​ដ៏​អាក្រក់​បំផុត​របស់​ទីក្រុង​នេះ​អោយ​វា​វិល​ទៅ​កាន់​ស្ថានភាព​អាច​គ្រប់គ្រង​​បាន​វិញ​ដោយ​សុំ​ផ្តល់​ដី​សំរាប់​សាងសង់​មន្ទីរពេទ្យ​បណ្តោះអាសន្ន​នៅ​ពេល​ទីក្រុង​នេះ​បាន​បន្ថែម​អ្នក​ឆ្លងកូវី​ដ​១៩​ថ្មី​ជាង​៣.៦០០​នាក់​ទៀត​កាលពី​ថ្ងៃ​សុក្រ​និង​៧.៦០០​នាក់​ទៀត​តេស្តិ៍​បឋម​ឃើញ​វិជ្ជមាន​​កូវី​ដ​។​

​ពួកគេ​បាន​ប្រកាស​សុំ​ផ្តល់​ជំនួយ​ជា​ដី​សង់​មន្ទីរពេទ្យ​ដូច្នេះ​កាលពី​ល្ងាច​ថ្ងៃ​សុក្រ នៅ​ប៉ុន្មាន​ថ្ងៃ​បន្ទាប់ពី​មេដឹកនាំ​ចិន លោក​ស៊ី ជីន​ភីង បាន​អំពាវនាវ​អោយ​ទីក្រុង​នេះ​«​ចាត់​គ្រប់​វិធានការ​ចាំបាច់​»​ដើម្បី​​ទប់ស្កាត់​កុំអោយ​កូវី​ដ​១៩​ផ្ទុះ​កាន់តែខ្លាំង​។​

​ក្នុង​កិច្ចប្រជុំ​របស់​ពួក​អ្នក​មាន​ហុងកុង​កាលពី​ថ្ងៃ​សុក្រ ពួកគេ​បាន​ទទួលស្គាល់​តំរូវការ​បន្ទាន់​ដើម្បី​សម្រាល​ស្ថានការណ៍​កូវី​ដ​១៩​នៅក្នុង​ទីក្រុង​នេះ​។​

​សូមបញ្ជាក់​ថា អាជ្ញាធរ​ហុងកុង​កំពុង​កេណ្ឌ​ប្រមូល​គ្រប់​ប្រភព​ធនធាន​ចាប់តាំងពី​អ្នក​អភិវឌ្ឍន៍​អចលនទ្រព្យ រហូតដល់​អ្នក​បើក​តាក់ស៊ី នៅពេល​បណ្តា​មន្ទីរពេទ្យ​មិន​ជា​ច្រើន​ប៉ុន្មាន​នៅក្នុង​ទីក្រុង​នេះ​​កំពុង​ជោរជន់​ដោយ​អ្នកជំងឺ​កូវី​ដ​១៩ ហើយ​មណ្ឌល​ចត្តា​លីស័ក​ក៏ចាល់​ដោយសារ​ឆ្លង​មួយ​ថ្ងៃ​រាប់ពាន់នាក់​។​

​ស្ថានភាព​កាន់តែ​អាក្រក់​ទៅ​នៅពេល​សីតុណ្ហភាព​ធ្លាក់​ចុះ​ដល់​១១​អង្សា​សេ​ចាប់ពី​យប់​ថ្ងៃ​សុក្រ​។​វា​បន្ថែម​ការលំបាក​ដល់​មន្ទីរពេទ្យ​ដែល​កំពុង​ខ្វះ​បុគ្គលិក​និង​គ្រូពេទ្យ​ខណៈ​អ្នកជំងឺ​បុក​ចូល​កាន់តែច្រើន​៕

​ហុងកុង​បន្ថែម​អ្នក​ឆ្លងកូវី​ដ​១៩​ថ្មី​ជាង​៣.៦០០​នាក់​ទៀត​កាលពី​ថ្ងៃ​សុក្រ​និង​៧.៦០០​នាក់​ទៀត​តេស្តិ៍​បឋម​ឃើញ​វិជ្ជ​មានកូ​វីដ​។​បណ្តា​មន្ទីរពេទ្យ​ហុងកុង​ឥឡូវ​អ្នក​កើតកូ​វីដ​ដណ្តើម​គ្រែពេទ្យ​ស្ទើរ​អស់​ហើយ​​បង្ខំ​អយ​អ្នកជំងឺ​មួយចំនួន​ដេក​នៅ​ក្រៅ​អាគារ​ពេទ្យ​ឬ​នៅតាម​ផ្លូវ​ចេញចូល​បន្ទប់​អ្នកជំងឺ​