​ប្រែ​សម្រួលៈ​បំណង​(VnExpress)៖ វៀតណាម​កាលពី​យប់​ថ្ងៃ​សៅរ៍​បាន​អះអាង​អំពី​ការរកឃើញ​អ្នក​ឆ្លងកូវី​ដ​១៩​ថ្មី​ចំនួន ៤១.៩៦៨​នាក់​ទៀត​នៅ​៦១​ទីតាំង ដោយ​ទីក្រុង​ហាណូយ​និង​បណ្តា​ខេត្ត​ភាគ​​ខាងជើង​នៅ​តែ​មាន​អ្នក​ឆ្លង​ប្រចាំ​ថ្ងៃ​ច្រើនជាងគេ​។​

​ទីក្រុង​ហាណូយ បាន​រក​ឃើញ​អ្នក​ឆ្លង​ថ្មី ៤.៨៦៩​នាក់ បន្ទាប់​មក​ខេត្ត​បាក់​និ​ញ​(Bac Ninh)​ចំនួន​៣.០៤០​នាក់ និង​ខេត្ត​ក្វាង​និ​ញ​(Quang Ninh)១.៩៩០​នាក់​។​

​ក្រសួង​សុខាភិបាល​វៀត​ណា​ម​ក៏​បាន​បញ្ជាក់​អ្នកជំងឺ​កូវី​ដ​១៩​ចំនួន​៦៥​នាក់​ទៀត​បាន​ស្លាប់​នៅ​២៤​ម៉ោង​កន្លងទៅ ។​ចំនួន​ស្លាប់​ថ្មី​នេះ​នាំ​អោយ​វៀតណាម​មាន​អ្នក​ស្លាប់​ដោយកូវី​ដ​១៩​សរុប ៣៩.៤២៣​នាក់​​ក្នុងចំណោម​អ្នក​ឆ្លង​ជាង​២,៦៩​លាន​នាក់​ចាប់តាំងពី​ដើមឆ្នាំ​២០២០​មក​។​

​សូមបញ្ជាក់​ថា​មក​ទល់​ថ្ងៃ​ម្សិលមិញ ប្រជាជន​វៀតណាម​ជាង​៦៧​លាន​នាក់​បាន​ចាក់​វ៉ាក់សាំង​ការពារកូ​វីដ​១៩​ចំនួន​ពី​រដូស​៕

​ក្នុង​រូប បុគ្គលិក​សុខាភិបាល​ចែក​ថ្នាំ​កូវី​ដ​១៩​ដល់​អ្នកជំងឺ​ដែល​ព្យាបាល​តាម​ផ្ទះ​នៅ​សង្កាត់​មួយ​ក្នុង​ក្រុង​ហូជីមិញ​កាលពី​ឆ្នាំមុន​។​កាលពី​ថ្ងៃ​សៅរ៍ នាយកដ្ឋាន​សុខាភិបាល​ក្រុង​ហូជីមិញ​បាន​អំពាវនាវ​អោយ​​ផ្នែក​ពាក់ព័ន្ធ​ត្រៀម​សមត្ថភាព​ស្វែងរក​និង​ព្យាបាល​កូវី​ដ​១៩ នៅពេល​ទីក្រុង​ចាប់ផ្តើម​មាន​កំណើន​នៃ​ការឆ្លង​ឡើងវិញ​នៅក្រោយ​ការ​ឈប់សម្រាក​ចូលឆ្នាំថ្មី​កាលពីដើម​ខែ​។​មួយ​សប្តាហ៍​មក​នេះ ទីក្រុង​​ពាណិជ្ជកម្ម​ភាគខាងត្បូង​នេះ បាន​រក​ឃើញ​អ្នក​ឆ្លង​ថ្មី​ប្រមាណ​៣.៥០០​នាក់ ដោយ​កើន​លើស​ចំនួន​ឆ្លង​កាលពី​មួយ​សប្តាហ៍​មុន​ប្រមាណ​បី​ដង​